Aldanganlar guruhi

Endi kelishinga hojat yo'q.

Sening "sevaman”laringga ko'nglimning ko'zi to'q.

Sevmaganlarning sevilmaydigan kunlari

albatta, keladi

Ishq uchun olingan ikki kishilik chiptalarning qaytishi doimo bir kishilik bo'ladi. E'tibor bering-chi, kim o'sha yo'ldan yolg'iz o'zi qaytyapti? Javobi taxmin qilinishi oson bo'lgan bir savol bu, shunday emasmi? Albatta, eng ko'p sevgan tomon yolg'iz qaytyapti. Havas va baxt-u saodat bilan ketgan ishq safaridan ulkan hamda ichidan qutilish o'ta mushkul bo'lgan azoblar bilan qaytyapti. Sevilgan tomonni faqat ketishini tomosha qilyapti va o'ziga qoldirilgan hasratlar bilan kurashyapti.

Ming afsuski, ishqda adolat bo'lmaydi. Bir tomon juda chiroyli sevadi, narigi tomon juda chiroyli tark etadi. Bu sira o'zgarmaydigan qonundir. Eng ko'p sevgan tomonga aziyat yetsa ham, u sevishdan to'xtamaydi. Hatto qadam tashlashgada holi qolmasa ham sevgan insoni tomon yugurishdan charchamaydi. Haqiqiy sevgi deb mana shunga aytiladi. Ammo sevilgan tomon buni tushunmaydi. U uchun qilinayotgan fidokorliklarni ko'zlari ko'rmaydi. O'zi bilan unga atalgan sevgining o'rtasiga shu qadar ulkan devor qurgan-ki, na u uchun qilinayotgan harakatni ko'radi, na unga qo'yilgan muhabbatni his qiladi. Ayrimlari yarim yo'lda qoldirib ketishadi, ayrimlari senga yo'l ko'rsatishadi. Afsuski, ular bunga sevgi deyishadi...