Aldanganlar guruhi

Aslida, hech narsa o'tib ketmasa-da, ayrini go'zalliklar sen bilan birga kelishiga ishongandim. Yanglishibman, awalgidan ham ko'proq ozorlandim.

Sevishdan sira to'xtamadik

Orzularimiz sarobga aylangan bo'lsa ham, ishonchimiz suiste'mol qilingan bo'lsa ham, jimjimador so'zlarga va soxta samimiyatga ishonib, "U boshqalarga o'xshamaydi", degan nazar bilan qaraganlarimizning aslida, boshqalardan zig'ircha ham farqi yo'qligiga bot- bot guvoh bo'lgan bo'lsak-da, sevishdan to'xtamadik. Chindan ham shunday emasmi? Insonlarga takror- takror ishonch bildirmayapmizmi? Takror-takror ko'ngil qo'ymayapmizmi? Shu qadar kuchli ishonch bilan sevganimizdan "Bu safar azoblanmayman", deb tashlagan har qadamimizda oldingidan ko'proq yaralanib, oldingidan ko'proq azoblanayapmiz. Ammo shunday bo'lsa ham, bir on bo'lsa-da, sevishdan voz kechmayapmiz. Voz kecholmayapmiz! Ehtimol, jarohat olayotgandirmiz, ammo hech narsaga qaramay sevishdan to'xtamayapmiz. "Qaytib hech kimni sevmayman!" deb turib, baribir yuragimizga yengilmoqdamiz. Keraksiz insonlarni eng toza tuyg'ularimiz bilan qarshi olyapmiz va eng ko'p shunga kuyayapmiz...

Bizni ham yaralashdi, ammo baribir sevdik. Agar yana shunday imkon berilsa, yana sevamiz.