Aldanganlar guruhi

Sen o'z bandida ifor sochayotgan bir moychechak eding. Men seni uzish u yoqda tursin, hatto hidlashga ko'zim qiymasdi...

Agar muhabbatingni oshkor qilmasang,

qancha sevsang ham foydasi yo'q

Sevgining chek-chegarasiz bo'lishi emas, uning _sof va beg'araz bo'lishi muhim ekanligi haqida gapirdik. Faqat sevish bilan cheklanib qolmay, balki uni his qildira olish ham kerak dedik. Qalbdagi muhabbatni oshkor qilish uchun faqat chiroyli izhorlar-u jimjimador so'zlar yetarli emas dedik. Ammo chinakam sevish bilan birga chinakam sevilishning ham haqqini to'lash kerakligi haqida gapirmadik. Albatta, og'zidan chiqqan "Sevaman" degan so'zga butun borlig'i bilan kafil bo'lgan odamlarga biror e'tirozim yo'q. Ammo har bir inson sevilishning ham haqqini to'lashi kerak. Men aytmasdan o'tolmaydigan bu mavzuni qog'ozga tushirishimga sabab bo'lishgani uchun ayrim insonlardan biroz xafaman. Atrofdagi insonlarga qarang. Ularning hammasi ishq ummoniga g'arq bo'lishgan-u, ammo sevilishning qadrini hech biri bilmaydi. Qalbidagi sevgisiga egalik qilmaydi, unga sadoqat saqlamaydi. Sevilishning haqqini to'lash uchun moddiy boylikka hojat yo'q. Bor-yo'g'i vafodor bo'ling va ^Slzga qalbidagi muhabbatini his qildirayotgan insonni mahkam bag'ringizga bosing, shu xolos.