Aldanganlar guruhi

Siz boshiga tinmay qaro kunlar solgan insonlaringiz bir kun sizning halokatingiz bo'ladi. Shunda sizni hech kim qutqara olmaydi.

Yonimdaligida vaqtni to'xtatib

qo'yishni istagan insonimsan

Tomosha qilganlar juda yaxshi eslaydi "Amaliya" filmini. O'sha filmda "Inson vaqtni to'xtatib qo'yishni istagan joyiga tegishlidir" deydigan sahnasi bor. Juda to'g'ri fikr, shunday emasmi? Inson chindan ham qayerda vaqtni to'xtatib qo'yishni istasa yo u o'sha joyga tegishli yoki o'sha yerda abadiy qolishni istaydi. Qisqa va lo'nda. Bu vaziyatda mening qayerga tegishli ekanligimni tilga chiqarishga hojat bormikan? Albatta, bor. Men senga tegishliman. Butun borlig'im bilan senikiman. Gohida inson o'zi amin bo'lgan narsaning tasdig'ini qarshisidagi insondan eshitishni istaydi. Men senga tuyg'ularimni izhor qilishdan tortinmayman. Boshi berk ko'cha ekanligingni bilsam ham, baribir qadamlarimni sen tomon buraman. Bilaman, sen moychechaklarni juda sevasan va men ularni aynan sen uchun yuragimning eng go'zal joylariga ekib chiqdim. Eng pok tuyg'ularimni senga atadim. Zinhor ularning uvoliga qolma! Yo'lingga moychechaklardan poyandoz to'shayman-ki, qadam bosishga ko'zing qiymasin...