Aldanganlar guruhi

Eng go'zal tuyg'ularni isrof qildingiz, zero, isrof eng og'ir gunohdir. Bu ham sizning bo'yningizga bir yuk bo'lsin.

Biz hech qachon benuqson sevilmadik

Insonlar doim tuyg'ularimga nisbatan ojizligimdan foydalanishdi. Zero boshimga nimaiki tushgan bo'lsa hamma-hammasiga ko'ngilchanligim va qarshimdagi insonni o'zimdek o'ylashim sababidan bo'ldi. Sevgi borasida kimning eshigini taqillatsam, yuzimga qarsillatib yopilgan eshiklar haqida gapiraymi, yo bor-u yog'imni o'rtaga tashlab sevgan holda shu bilan kifoyalanib qolmay, sevishimni isbot qilishimga qaramay, boshqalarga almashtirilganimni aytaymi yoki vaqtida qiymati ikki chaqaga qimmat bo'lgan insonlarning yaqinlarim boshiga solgan og'ir ko'rguliklarning o'rnini tuzatish uchun qilgan harakatlarim haqida gapiraymi? Ammo shunga qaramay, mening yo'lim vafo, sadoqat, qadr-qimmat va fidokorlik tuyg'ularining asl mohiyatini anglagan insonlar bilan sira kesishmadi. Kesishgan bo'lsa ham oxiri doim hijron bilan yakunlandi. Insonlar sizning og'riqli nuqtangiz qayerda joylashganini bilganida bundan juda yaxshi foydalanishadi. Ammobundabirhaqiqatbor.kimgadirko'ngilqo'ygangizda hamma narsa o'zgarib ketadi. Kimgadir ishonmaslik va sevmaslik uchun ichgan qasamlaringizni aynan shu onda buzasiz. Zero biz hammamiz aynan mana shu nuqtada yo qotamiz. Men boshqa birov ochgan jarohatni tuzatishga majbur emasdim.

Men boshqa birovlar ochgan yaraga malham qoyishga majbur emasdim. Men noto'g'ri insonlarga ishonishning va suyanishning badalini to'lashga majbur emasdim. Bularni qilishga umuman majbur emasdim.

Ammo men hammasini qildim. Ortig'i bilan qildim! No- mard insonlarga omonat qilingan qalblarning zararlarini doim men qopladim. Toptalgan ishonchlarni awalgi holatiga har gal men keltirdim. So'ngan tuyg'ularga qaytadan men jon berdim. Noloyiq insonlarga atalgan toza sevgining totini o'sha noloyiq insonlar totar ekan, men Xudoning har bergan kuni o'sha sevgining jafosini chekdim. Oxir-oqibat esa sevgisiz va e'tiborsiz bir chekkaga uloqtirilgan ham men bo'ldim.

Hayotingizga kiritish u yoqda tursin, hatto ko'chada ko'rsangiz Allohning salomiga arzimaydigan insonlarning toshga aylantirgan qalblarini deb o'sha pokiza ishqlarga hasratda qoldik. Bizga qarab, hech narsani his qilmayapman deyishdi, endi menga his-tuyg'ular begona, hatto qalbimni his qilmayapman, deyishdi. O'zlaridan ham ko'ra yuraksiz insonlar mavjuddek, "Sen bundan ko'ra yaxshilariga munosibsan!" deyishdi. Ammo hamma ayb bizga bu so'zlarni aytganlarda emas, boshida o'zlarini ishonchli odamdek ko'rsatib, keyin xayollarni puchga chiqarib ketgan vijdonsizlarda edi.