Aktiv schyotlar (A)

Aktiv schyotlar (A) – korxona aktivlarini aks ettiradigan va ularning hisobot davridagi ko’payishini debet tomonida va shu davrdagi kamayishini kredit tomonida aks ettiradigan schyotlardir.
Aktivlar – binolar, inshootlar, transport vositalari, materiallar, mahsulotlar, xarajatlar, pul mablag’lari, debetorlik qarzlari va h.k.
Amortizatsiya ajratmalari – asosiy vositalar qiymatini xarajatga bosqichma-bosqich, ya’ni mahsulot (ish, xizmat) tannarxiga qo’shiladigan qismidir.
Analitik schyotlar – xo‘jalik mablag‘lari va mablag‘lar manbalari va xo‘jalik muomalalari to‘g‘risida to‘la tavsif beradigan va ularni pul, natura va mehnat o‘lchovida hisobga oladigan schyotlardir.
Asosiy ish haqi – xo’jalik xodimlarining ishlagan vaqti uchun to’lanadigan haqdir.
Asosiy vositalar – uzoq davom etadigan vaqt mobaynida (bir yildan ko’prok vaqt davomida) moddiy ishlab chiqarish sohasida ham, noishlab chiqarish sohasida ham amal qilinadigan, shuningdek ijaraga berish uchun foydalanadigan moddiy aktivlardir.
Baholash – bu hisob ob’yektlarini natural o’lchovlardan pul o’lchoviga o’tkazish usulidir.
Boshlang‘ich sal’do – schyot bo‘yicha hisobot davrining boshiga bo‘lgan qoldiqdir.
Boshlang’ich qiymat – ularni barpo etish (qurish, o’stirish. yetishtirish, yasash) yoki sotib olish bo’yicha amalda qilingan xarajatlar qiymatidir.
Buxgalteriya balansi – aktivlar, kapital va majburiyatlarni pul o’lchov birligida, ma’lum bir kunga guruhlab aks ettirishdir.
Buxgalteriya daftarlari – bir-biriga biriktirilgan va muqovalangan qog‘oz varaqlaridir.
Buxgalteriya hisobi ob’yektlari – aktivlar, majburiyatlar, xususiy kapital, zaxiralar, daromadlar, xarajatlar, foyda, zararlar va ularning harakati bilan bog’liq xo’jalik muomalalaridir.
Buxgalteriya hisobi registrlari ikki yoqlama yozuv usuliga muvofiq yuritiladigan jurnallar, qaydnomalar, kitoblar va tasdiqlangan blankalardan (shakllardan) iboratdir.