Aktiv schyotlar (A)

Kreditor – mol yoki pulni nasiyaga, qarzga bergan muassasa yoki shaxs.
Mahsulot tannarxi – bu mahsulot ishlab chiqarish uchun ketgan xarajatlarning puldagi ifodasidir.
Mahsulot tannarxi kalkulyatsiyasi – buxgalteriya hisobida bir birlik mahsulot tannarxini aniqlash usulidir.
Majburiyatlar – shaxsning (qarzdorning) boshqa shaxs (kreditor) foydasiga muayyan ishni amalga oshirish, masalan, mol-mulkni topshirish, ishni bajarish, pul to’lash va boshqa majburiyatlar.
Mehnat haqi – sarflangan mehnatning soni va sifati asosida xodimlar ixtiyorida qoladigan milliy daromadning bir qismidir.
Mehnatni normallash – amaldagi vaqt normalari hamda xizmat ko’rsatish va ish bajarish normalaridir.
Moliyaviy hisobot – buxgalteriya hisobi subyektining hisobot sanasidagi moliyaviy holati, hisobot davridagi faoliyatining moliyaviy natijasi va pul mablag’larining harakati to’g’risidagi tizimlashtirilgan axborotdan iboratdir.
Moliyaviy natija – korxonaning yil davomidagi faoliyati natijasida olgan foydasi yoki ko’rgan zararidir.
Moliyaviy natijalar – xo’jalik yurituvchi sub’ektning foyda yoki zarar shaklida ifodalangan faoliyatining pirovard iqtisodiy yakunidir.
Mualliflik huquqi – qonun tomonidan adabiyot asarlari, musiqa, tasviriy san’at kabi ijodiy ishlarning mualliflariga qaratilgan himoya shakli.
Nomoddiy aktivlar – korxona tomonidan ulardan ishlab chiqarish, ishlar bajarish, xizmatlar ko’rsatish yoki tovarlarni sotish jarayonida foydalanish maqsadida yoxud ma’muriy va boshqa funksiyalarni amalga oshirish uchun uzoq muddat mobaynida tutib turiladigan, moddiy-ashyoviy mazmunga ega bo’lmagan mol-mulk ob’yektlari.
Nou xau – yangi texnologiyalar bo’lib, texnik, tijorat, boshqaruv, moliya kabi xarakterdagi texnik bilim va amaliy harakterdagi boshqa bilimlarni o’z ichiga oladi.
Oborot – debet va kredit bo’yicha yozilgan muomalalar summalarining jamidir.