Aktiv schyotlar (A)

Jismoniy shaxslar – deb O’zbekiston Respublikasi fuqarolari, chet davlatlar fuqarolari, shuningdek fuqaroligi bo’lmagan shaxslar e’tirof etiladi.
Soliqlarning turkumlanishi – bu soliqlarning muayyan harakterli belgilari, ya’ni ularni undirish usullari, qo’llaniladigan stavkalar turi, soliq imtiyozlari va hokazolar bo’yicha guruhlashdir.
Soliqlar – muayyan miqdorlarda undiriladigan, muntazam, qaytarib berilmaydigan va beg’araz xususiyatga ega bo’lgan, byudjetga yo’naltiriladigan majburiy pul to’lovlaridir.
Soliq agentlari – zimmasiga soliqlar va boshqa majburiy to’lovlarni hisoblab chiqarish, soliq to’lovchidan ushlab qolish hamda byudjetga va davlat maqsadli jamg’armalariga o’tkazish majburiyati yuklatilgan shaxslardir.
Soliq va boshqa majburiy to’lovni hisoblab chiqarish tartibi – soliq davri uchun soliq solinadigan bazadan, stavkadan, shuningdek imtiyozlar mavjud bo’lsa, shu imtiyozlardan kelib chiqib, soliq va boshqa majburiy to’lov summasini hisoblash qoidalarini belgilaydi.
Soliq davri – u tugaganidan keyin soliq solinadigan baza aniqlanadigan hamda soliq yoki boshqa majburiy to’lov summasi hisoblab chiqariladigan davrdir. soliq davri bir necha hisobot davriga bo’linishi mumkin bo’lib, ularning yakunlari bo’yicha hisob-kitoblarni taqdim etish hamda soliqlar va boshqa majburiy to’lovlarning to’lanishi lozim bo’lgan summalarini to’lash majburiyati yuzaga keladi. joriy to’lovlarni to’lash bo’yicha majburiyat yuzaga kelgan davr hisobot davri bo’lmaydi.
Soliq qarzi – soliqlar va boshqa majburiy to’lovlar bo’yicha qarz summasi, shu jumladan soliq kodeksda belgilangan muddatda to’lanagan moliyaviy sanksiyalar.
Soliq majburiyati – soliq to’lovchining soliq to’g’risidagi qonun hujjatlariga muvofiq yuzaga keladigan majburiyatidir.
Soliq mexanizmi – davlatning soliq siyosati amalga oshiriladi, soliq tizimining asosiy miqdor va sifat xususiyati shakllanadi. uning aniq ifodalangan ijtimoiy-iqtisodiy vazifani hal etishga qaratilgan yo’nalishi shakllanadi. soliq mexanizmida eng muhim rolni soliq qonunchiligi egallaydigan bo’lsa, uning ichida soliqqa tortish mexanizmining ahamiyati kattadir.