Қайта тайёрлаш ва уларнинг малакасини ошириш

Гуруҳий психологик маслаҳатнинг ўзига хос жиҳатлари.
Гуруҳ бу
ижтимоий яхлитликдан маълум белгиларига кўра (фаолият характери,
ижтимоий мавқеи, ривожланиш даражаси ва б.қ.) ажратиб олинган,
чегараланган ҳажмга эга кишилар жамоасидир. 
Гуруҳлар кўпинча қуйидагича классификацияланади: 

Ҳажмига кўра (катта, кичик, микрогуруҳлар); 

Ижтимоий мавқеига кўра: формал – ноформал (расмий - 
норасмий); 

---

112 

Ўзаро боғлиқлик ҳусусиятларига кўра (реал, контактли ва
шартли); 

Ривожланиш даражасига кўра (паст даража: ассотсиатсиялар, 
корпорациялар, диффуз; юқори даражали: жамоалар); 

Аҳамиятлигига кўра (референт, аъзолик гуруҳлар). 
Ажратилган белгилар ҳар бир конкрет гуруҳни фаолиятдаги
мақсад ва вазифаларининг ўзига хослигини белгилаб беради.
Ўзаро таъсир жараѐнида консультантнинг ва ассистентнинг 
функцияси 
Психологик маслаҳат унда хизмат қиладиган мутахассисларнинг сонига 
кўра турлича бўлиши мумкин. Нисбатан тор маънодаги муаммо устида хусусий 
амалиѐт ишини юритувчи кичик маслаҳат хизматлари мавжуд. Шундай бир 
ҳолатни тасаввур этиш мумкин. Бир психолог мутахассиснинг ўзи турли 
муаммолар юзасидан барча ишларни, ҳатто ѐрдамчи ходимларсиз бажаради. Бу 
хусусий психологик хизмат амалиѐти билан шуғулланувчи мутахассислардир.
Шунингдек, катта бир муассасада ўнлаб ѐки ундан ҳам ортиқ турли соҳа 
бўйича иш юритувчи психологлар хизматининг яхлит бир ташкилоти бўлиши 
ҳам мумкин. Энг кўп учрайдигани психологик маслаҳатларни тўрттадан 
олтитагача бўлган психолог маслаҳатчилар бўлса, қолганлари ѐрдамчи 
ходимлар хизмат қилувчи маслаҳат хоналаридир. Мажбуриятларни тақсимлаш 
муаммоси фақатгина маслаҳатхоналарда бир неча мутахассис хизмат қилган 
чоғдагина юзага келади. Бундай ҳолатда мажбуриятларни гўѐ тиббий 
масалалардаги (масалан, касалхона, поликлиника) каби тақсимлаш лозим, яъни 
психологик маслаҳатларнинг айрим турларини чуқурлаштириб, ихтисослар 
томонидан ўрганилишини таъминлаш керак. 
Психолог маслаҳатлари қанчалик кўп бўлса, тақсимот шунчалик аниқ 
бўлмоғи зарур. Бундай тавсия шуниси билан афзалки, мутахассисликнинг 
бирор тор соҳаси билан шуғулланадиган психолог умумий маслаҳат берувчи 
психологга нисбатан юқори даражада касбий мутахассислик маҳоратига 
эришади. Бироқ маслаҳатхонада фақат икки психолог маслаҳатчи хизмат қилса, 
улар ўртасида мажбуриятларни тақсимлаш ва уларни ихтисослаштириш шарт 
эмас, бу агар психолог иш жойида бўлмай қолса, мижозлар билан ишлашда 
қийинчилик туғдиради. Бундай ҳолда: ишнинг асосий қисмини икки психолог 
учун ҳам умумий қилиб, қолган қисмини ихтисослаштириш зарур.