Ajiniyoz nomidagi nukus davlat pedagogika instituti

ABU  RAYHON  BERUNIY. 

Abu    Rayhon    Beruniy    (973-1043)  jahon    fanlarining    taraqqiyotiga    ulkan  

hissa    qo’shgan    istedod    egasi    hamda    zahmatkash    tadqiqotchisi    bo’lgan.  

Beruniy    tarixiy,    diniy    mazmundagi    adabiyotlarni    keng    tahlil    qilgan    hamda  

tarix,    din,    urf  –  odat,    odob  –  ahloq    va    an’analarning    turli  halqlardagi  

ko’rinishlaini    o’rganib,    har    bir    halqning    insoniyat    taraqqiyotida    o’z    o’rni  

borligini  ilmiy  jihatdan  isbotlab  berdi.   

14 

 

Beruniy    yashagan    davr    tarixan    siyosiy,    ijtimoiy  –  iqtisodiy    va  

etnomadaniy  o’zgarishlari  qatorida  ilm – fan  sohasida  ham  tub  o’zgarishlarga  

olib    keldi.    O’sha    davrlardagi    bilimlarni    egallash    yo’llari    haqidagi    fikrlari  

hozirgi  davr  uchun  ham  dolzarbdir.  

Qomusiy    olim    Abu    Rayxon    Beruniy    asarlarida    o’qitish    usullari  

masalasiga    alohida    to’xtalib,    o’qituvchi    shaxsiga    ta’lim    berishda    ko’proq  

qaysi  tomonlariga  e’tibor  berish  kerakligini  bayon  qilib  beradi. 

Jumladan,  olim  tomonidan  quyidagi  qoidalar  ilgari  suriladi: 

1.

 

O’qitishda    yodlatish    emas,    balki    tushuntirish,    mantiqiy    fikrlash,  

xulosalar   chiqarish  yo’liga  amal  qilish  lozimligi. 

2.

 

O’qitishda    o’quvchining    qiziqishi,    intilishini    hisobga    olinishi    va  

muallim   o’z  shogirdlariga  xushmuomala  bo’lishi. 

3.

 

O’qitishda    turli    usul,    metodlarni    qo’llash    ya’ni    qarab    chiqish,  

o’qilmagan  mavzularni  o’qib  chiqish  kerakli  joylarini  qayta  o’qib  

olish, umuman  yana  o’qib  chiqish  va  tushunib  olish. 

4.

 

O’quv    qurollarini,    kitoblarni    e’tibor    bilan    avaylab,    asrab   tutish,  

bu  kitoblar  insoniyatning  boyligi  ekanligi. 

Beruniyning  fikriga  ko’ra, o’quvchiga  bilim  berishda:   

-

 

O’quvchini  zeriktirmaslik; 

-

 

Bilim  berishda  bir  xil  narsani  yoki  bir  xil  fanni  o’rgatavermaslik, 

-

 

Yangi    mavzularni    qiziqarli,  oson,    ko’rgazmali    bayon    etish  

vahokazoga  e’tibor  berish  kerakligini  uqtiradi. 

Shuningdek,    har    bir    xalqning    o’ziga    xos    ta’lim    usullari,    yo’llari,  

shakllari  borligini  ta’kidlash  bilan  birga,  har  bir  alqning  ham  o’qitish  tizimi  

alifbodan    boshlanishini    ko’rsatadi.    Grammatika,    matematika    fanlarini  

o’qitishga  oid  qimmatli  fikrlar  bayon  etadi. 

Beruniy  yoshlarni  o’qitish  uchun  o’qituvchi  tanlashni  birinchi  va  asosiy  

ish  deb  bilgan.  U  bolalarni  yoshligidanoq  aniqrog’i  5-6 yoshligidan  o’qitish  

tarafdori    edi,  buning    uchun    o’qituvchi    xushmuomalali,    rostgo’y,    o’z    fanini  

15 

 

yaxshi    biladigan,    toza,    ozoda    yurish    va    turishida    namuna    bo’lishini    talab  

etadi.  Bu  go’yo  to’g’ri  va  adolatli  talabdir.  Agar  o’qituvchi  o’rnak  bo’lmasa,  

aytgan  gapiga  o’zi  rioya  qilmasa,  uning  tarbiyasi  samarasizdir. 

Beruniy    ta’lim  –  tarbiyaga    o’qituvchilarning    diqqatini    jalb    qilish,  

mashg’ulotlar    davomida    o’quvchilarning    zerikib    qolmasligi    uchun    ta’lim  

olishning  turli  yo’llari,  shakl  va  metodlari  ustida  to’xtalgan.  U  shunday   deb  

yozadi,    “Bizning    maqsadimiz    o’quvchini    toliqtirib    qo’ymaslikdir,    hadeb    bir  

narsani    takrorlash    zerikarli    bo’ladi,    materialga    nisbatan    salbiy    munosabat  

shakllanadi.  Har    bir    yangi    narsa    kishiga    rohat    bag’ishlaydi    deb    bekorga  

aytilmagan”.  Olimning    so’zlarida    uning    bilim    berish    yo’llari    haqida    ham  

bayon etilgan. 

Birinchidan – ilmiy  bilimlar  turli  mavzulardan  iboratbo’lishi,  o’qituvchi  

zeriktirmasligi,  xotirasiga  malol  kelmaslikni  ko’zda  tutadi. 

Ikkinchidan  –  bunday    usul    boshqa    tadqiqoychilarning  o’qib  

o’rganuvchilarning  mehnatini  yengillashtirishga  qaratilgan. 

Uchinchidan – borliqdagi  hodisalarni  har  tomonlama  o’rganmasdan  ilmiy  

bilimlar  doirasini  aniqlab  olish  qiyin  bo’lishini  ta’kidlaydi. 

Beruniy  ilm  olishga  kirishishni  quyidagicha  ta’kidlaydi:  “Ilm  dargohiga  

kirar ekansan, qalbingni,  ko’nglingni  ozdiruvchi  illatlardan,  odamni  ko’r  qilib   

qo’yadigan    holatlardan,    chunonchi,    qotib    qolgan    urf  –  odatlardan,    hirsdan,  

raqobatdan,  ochko’zlikning  quli  bo’lishdan,  o’z  hokimligi  uchun  kurashishdan 

ozod  bo’lmog’ing  darkor”.  

Beruniy  o’quvchilarga  bilim  berish  xat  savodli  qilish  to’g’risida  gapirar  

ekan,  bu   o’rinda  qog’ozning  paydo  bo’lishi,  yozuv  va  uning  vujudga  kelish  

xususiyatlari,    turli    belgilar,    o’quv    qurollari    haqida    alohida  –  alohida  

to’xtalgan.  Uning ta’kidlashicha  har  bir  xalqda  ta’lim  berishning  o’ziga  xos  

tomonlari  bo’lib,  hammasida  ham  o’qitish  eng  avvalo  alifbodan  boshlanadi. 

Qomusiy    olim    Beruniyning    ta’kidlashicha    bilim    olish    jarayonida  

insoniyat    yaratgan    bilimlarni    egllash    uchun    o’quvchida    intilish    va    qiziqish  

16 

 

bo’lish  kerak.  Uning  ta’kidlashicha  kishi  tabiati  bilmagan  va  bila  olmagan  

narsalarini  bilishga  o’chdir. 

Beruniy    ilm    olish    yo’li    bilan    dunyoni    bilishning    turli      bosqichlarini   

ko’rsatadi. 

1.

 

To’liq  bilim  olishda  narsalarning  chegaralari  ma’lum  bo’ladi. 

2.

 

Narsalarning    bo’laklarini    umumlashtiruvchi    chegaralargacha  

ma’lum  bo’ladi,  lekin  bunda  ham  tavsilotdan  holi  bo’lmaydi. 

3.

 

O’sha    tavsilotlar    atroflicha    biluvchi    va    bilinuvchi    sifatida  

birlashadi,   lekin  bu  holat  zamon  ichida  bo’lib  turadi   

4.

 

Atroflicha      bilish    holati    zamon    ichida    bo’lmaydi,    endilikda   

narsalarni, voqealarni  bilishda  zarur  vosita  bo’lgan  ism  sifatlarga,  

laqablarga  ehtiyoj  qolmaydi. 

Beruniy  tomonidan  ilgari  surilgan  fikrlarda  bilimlilik  orqali  nodonlikdan  

xalos  etish  masalalari  bayon  etilgan.  O’quvchini  o’qitish  muomalali,  rostgo’y,  

savodxon,    shogirdlariga    prinspial,    yumshoq    muomalari    bo’lishi    kerak.  

Muallim    o’quvchini    doimo    to’g’ri      yo’lga    boshlashi,    sezgir    va    talabchan  

bo’lishini  uqtiradi.  Beruniy  muallim  shogirdlariga  yumshoq  muomala  qilishi,  

ularga  to’g’ri  yo’l  ko’rsatishi,  yaxshi  yo’lga  yo’llashi,  niyatini  to’g’ri  qilishi,  

o’zini  katta  olmay,  ochiq  ko’ngil  bo’lishi  haqida ta’lim  bergan. 

Beruniy    o’qitishda    faqat    induktiv    yo’l    bilangina    emas,    balki    deduktiv  

yo’l  bilan  ish  tutish  lozimligini  ta’kidlaydi.  Bunda  olim  har  qaysi  metodni  

joyida    qo’llamoq    zarurligini    yaxshi   bilgani   ko’rinib   turibdi.    Bunday    o’qish  

tafakkurni  o’stirib,  bilishni  sifatini  yaxshilaydi,  aqliy  bilimni  boyitadi. 

Beruniy    dastlab    o’quvchining    ongli    o’qishi,    matnning    hajmi    kichik  

mazmuni  sodda,  keyinchalik  esa  hajmi  katta  mazmuni  murakkabroq  bo’lgan  

matnlarni  o’qishga  kirishishi  o’qish  jarayonida  taqqoslash  qiyoslashga  e’tibor  

berish  o’quvchilarning  ongli  bilimiga  asos  solishini  eslatib  o’tgan. 

17 

 

Olim    o’qilganlarning    barchasini    qaytarib    o’qish    deganda,    asosan    xato  

qilmay,    so’zlarni    buzmay,    ortiqcha    tovush    ishlatmay,    bo’g’inlarni    tushirib  

qoldirmay,  so’z  urg’usini  o’z  o’rnida  qo’llab,  to’g’ri  o’qishni  ta’kidlaydi. 

O’qishning    tez,    to’g’ri    va    ifodali    bo’lishi,    hamda    o’qish    davomida 

bolaning  o’z – o’zini  kuzatib  borishi  xatosiz  tez  va  to’g’ri  o’qishiga  yordam  

beradi.   

Beruniy    bilimni    ustozlar    tomonidan    o’rgatiladi    deb    biladi.    U    nazariy  

bilimlarni    o’quvchilarga    singdirish    haqida    to’xtalib,    muallim    o’z    ishiga  

asosan    qiziqarli    suhbat    usuli    bilan    yondoshib,    shogirdining    fanga,    kasbga,  

o’rganilayotgan  ilmga  qiziqishini,  havasini  uyg’ota  olishini,  ta’limning  asosiy  

vazifalari  deb  bildi. 

Beruniy  «Hindiston»  kitobining  yettinchi  bobida  ma’rifat  va  bilimdonlik  

darajasi,    kishilarning    mulohaza      yurutish    holati    to’g’risida    fikr    bildiradi.  

Bobdan  o’rin  olgan  hikoyada  olim  shunday  voqeani  bayon  etadi: 

«Bir  ustoz  o’z  shogirdlari  bilan  qorong’u  kechada  yo’l  bosib  borar  edi.  

Ular    yo’l    bo’yicha    tik    turgan    bir    qoroltinga    duch    keladilar.    Ustoz  

shogirdlaridan    uning    nima    ekanini  aytishni    talab    qiladi.    Shogirdlaridan    biri  

bilmayman,  ikkinchisi  ham  bilmayman  va  bilishga  qudratim   yetmaydi,  deb  

javob  beradi.  Uchinchisi  esa  tong  yorishsa,  ma’lum  bo’ladi,  qo’rqinchli  narsa  

bo’lsa,    tong    yorishishi    bilan    yo’qolib    ketadi,    qo’rqinchli    narsa    bo’lmasa  

ahvoli  ma’lum  bo’ladi,  deb  javob  qildi». 

Beruniy  uch  shogirdining  ahvolini,  qobliyatini  ularning  javoblaridan  bilib  

oladi:  olimga  birinchi  va  ikkinchi  shogirdning  ilmsizligi,  uchinchining  ishni  

keyinga  surishi,  ilmsiz  bo’lsa  ham  ma’rifatga  intilishi  nomoyon  bo’ladi.  Shu  

tufayli  Beruniy  uning  javobini  maqullaydi.  Bu  shogird  qoroltinga  borib,  bir  

biriga    chirmashib    ketgan    qovoq    palagini    ko’radi,    qoroltin    jonsiz    narsa  

ekaniga  ishonadi,  biror  ihota  emasmikan  deb  shubhalanadi-da,  tepib  yuboradi,  

qoroltin  ag’anadi.  Shunda  shogird  uning  ihota  ekaniga  to’la  ishonadi.  Barcha  

18 

 

ko’rgan,  bilganlari  haqida  ustozi  Beruniyga  xabar  qildi  va  uning  qarshisida  

e’tibor  qozondi. 

Demak,  har  bir  narsani  aniq,  sinchkovlab  o’rganish,  bilish  va  shundan  

so’nggina  bir  xulosaga  kelish  kerak.  Beruniy  bu  ishda  tajribaga  asoslanishni  

alohida  uqtiradi,  nodonlik,  erinchoqlik,  ilmsizlikni  tanqid  qiladi. 

Abu  Rayhon  Beruniy  ruh  va  ruhiyat  masalalariga  alohida  qiziqish  bilan  

qaraydi.    U    insonni    o’qitishda    va    tarbiyalashda    inson    ruhiyatini    bilish  

zarurligini    anglagan    hamda    inson    bilan    o’zaro    munosabatlarda    ruhiy  

jarayonlarni  bilish  lozim  ekanligini  yaxshi  tushungan. 

Beruniy    ruhiy    jarayonlarni    barcha    hayvonlarga    va    insonlarga    xos    deb  

bildi.  Hayvon   ruhiyati  ongsiz  xarakterda,  insonda  esa  ongli,  inson  mantiqiy  

fikirlashga,  mantiqiy  hulosalar  chiqarishga  qodir,  insonda  faol  nerv  hizmatlari  

mazjud  deb  hisoblaydi. 

Beruniy  ruhiy  qarashlarini  ruh  olimi  sifatida  emas,  balki  yirik  faylasuf   

sifatida    talqin    etgan.    Uning    “Hindiston”,    “Mineralogiya”    kabi    kitob  va  

risolalarida    o’zining    ruh    haqidagi    qarashlari,    ruhiyatning    ba’zi    muhim  

masalalarini  bilish  va  tafakkur  jarayonlari  haqida  juda  ko’p,  g’oyat  qimmatli  

fikr – mulohazalari  mavjud. 

Olim  ruhiyat  masalalarini  alohida  to’plab  yozgan  emas,  masalalar  uning  

asarlarida  sochma  holda  uchraydi.  Olim  insondagi  ruhiy  jarayonlarni,  avvalo,  

tabiatda    oliy    mavjudod  –  insonning    bilish    jarayonini,    inson    bilimlarini  

boyitish,    ma’rifatli    bo’lishdagi    ro’li    jihatidan    o’rganishga    va    talqin    etishga  

harakat   qildi.    Shu   sababli   uning    yuqorida   keltirilgan   asarlarida   sezgilar   va  

aqliy    bilish,    o’zini    tuta    bilish,    xotira,    tasavvur,    diqqat,    idrok    va    qobiliyat  

kabi    shaxsiy    hislatlarni    olamni    bilish      jarayonlari    bilan    bog’liq    holda  

ko’rsatadi. 

U    yaratgan    har    bir    ishining    kishi    ruhiyatiga,    qobliyatiga    xos,    uni  

to’liqtirmayigan    bo’lishiga    e’tibor    beradi.    Beruniy    yozadi:  “Bizning  

maqsadimiz    o’quvchini    toliqtirib    qo’ymaslikdir.    Hadeb    bir    narsani    o’qiy 

19 

 

berish  zerikarli  bo’ladi  va  toqatni  toq  qiladi.  Agar  o’quvchi  bir  masaladan  

boshqa  bir  masalaga  o’tib  tursa  u  huddi  turli – tuman  bog’ – rog’larda  sayr  

qilgandek  bo’ladi,  bir  bog’dan   o’tar – o’tmas,  boshqa  bog’  boshlanadi.  Kishi  

ularning  hammasini  ko’rgisi  va  tomosho  qilgisi  keladi.  “har   bir  yangi  narsa  

rohat  bag’ishlaydi”  deb  behuda  aytilmagan”. 

Beruniy  inson  ruhiyati  haqida  so’z  yuritar  ekan,  uning  bir – biriga  aks  

ta’sir    ko’rsatadigan    qismlardan    iborat    tanaga    ega    ekanini,    bu    qismlar  

bo’ysinuvchi    kuch    sifatida    birlashganini,    ruh    esa    ko’p    hollarda    tana  

haroratiga    tobe    bo’lishini    va    shu    sababli    unda    xilma  –  xil    holat    vujudga  

kelishini  aytadi. 

Beruniy    insonning    barcha    mavjudodlardan    ustunligi    uning    tafakkuri  

orqali    ekanligini    izohlaydi.    Shuning    uchun    ham    yerdagi    barcha    jonzotlar  

unga  bo’ysunadilar,  aks  holda  inson  eng  kichik  hayvondan  ham  ojiz  bo’lar  

edi. 

Beruniy  fikricha,  inson  tafakkurining  qudrati  shundaki,  uning  yordamida  

voqea    va    hodisalarni    bir  –  biriga    solishtirish,    tahlil    qilish    orqali    rostni  

yolg’ondan,    adolatni    adolatsizlikdan,    yaxshini    yomondan,    haqiqatni    esa  

nohaqlikdan  ajratish  mumkin. Bu  psixologiya  faniga  ijobiy  ta’sir  ko’rsatishini  

isbotlaydi.  

Xotiraning  ahamiyati  haqida  Beruniy  ajoyib  fikr  aytgan. 

“Xotira,  -  deydi    u  –  dalili    bor    hamma    narsani    yaxshiroq,    tezroq    va  

o’ng’ayroq  eslab  qoladi”.  

Abu  Rayxon  Beruniy  o’zining  psixologik  ta’limotlarida  inson  xotirasini  

“tangrining    tuhfasi”    deb    ta’kidlagan.    Xotirasi    kuchsiz    kishilarda    uni  

tirishqoqlik    va    ko’p    shug’ullanish    bilan    mustahkamlashi    mumkun    degan  

g’oyani  ilgari  suradi. 

Olim    bilim    olishni      axloqiy    tarbiya    bilan    bog’laydi.    Zero,    insonda  

komillikning   muhim    mezoni   yuksak   axloqlilikdir.   Uning   fikricha    axloqiylik  

20 

 

insonning    eng    asosiy    sifati    bo’lishi    kerak.    Bu    xislat    birdaniga    tarkib  

topmaydi.  

U    kishilarning    o’zaro    muloqoti,    ijtimoiy    muhit  –  jamiyat    taraqqiyoti  

jarayonida  tarkib  topadi  yoki  u  yaxshilik  bilan  yomonlik  o’rtasidagi  kurash  

natijasida  nomoyon  bo’ladi.  Yashilik  va   yomonlik  insonning  xulq - atvorini  

belgilaydigan    mezon    bo’lib    hisoblanadi.    Olimning      inson    turmushiga    xos   

xulq  – odob   qoidalari   haqidagi   fikrlari   pedagogik    jihatdan   muhim    ahamiyat  

kasb  etadi.  Inson  ham  ichki,  ham  tashqi  tomondan  go’zal  bo’lsagina,  haqiqiy  

kamolotga    erishishi    mumkun    deydi.    U    orastalik    va    ozodalikni    olijanoblik  

bilan  tenglashtiradi.  Inson  doimo  bularga  rioya  etishi  zarur  deb  ta’kidlaydi.  

Bunda    inson    o’zini    boshqara    olishga    qodir    bo’lishi,    har    bir    inson    uchun  

zarur  bo’lgan  xislatlarni  tarkib  toptirishda  kuch  va  irodaga  ega  bo’lishi  zarur  

deb  ta’kidlaydi.  Bunda  inson  o’zini  boshqara  olishga  qodir  bo’lishi  har  bir  

yetuk    inson    uchun    zarur    bo’lgan    hislatlarni    tarkib    toptirishda    kuch    va  

irodaga  ega  bo’lishi  zarur,  deydi. 

“Mineralogiya” asrida  bu  fikrni  quyidagicha  ifodalaydi: 

“Inson  o’z  ehtiroslariga  hukmron,  ularni  o’zgartirishga  qodir,  o’z  jon  va  

tanini    tarbiyalar    ekan,    salbiy    jihatlarni    maqtagulik    narsalarga    aylantirishga  

hamda    asta  –  sekin    axloq    haqidagi    kitoblarda    ko’rsatilgan    usullar    bilan  

illatlarni  bartaraf  etishga  qodirdir”. 

Beruniy  insonni  kamolotga  yetaklovchi  xislatlardan  yana  biri  olijanoblik  

deb    ko’rsatadi.    Olijanoblikning    mazmunini      yaxshilik    tashkil    etadi.    Bunda  

olim  insonga  inson  sifatida  muomala  qilishni  nazarda  tutadi.  Eng  muhumi,  

mutafakkir,  inson  kamolotida,  mehnat  tarbiyasi  haqida  muhim  fikrlarni  bayon  

etadi.    U    har    bir    hunar    egasining    mehnatiga    qarab    turlarga      bo’ladi.    Og’ir  

mehnat  sifatida  binokor,  ko’mir  qazuvchi,  hunarmand,  fan  sohiblari  mehnatini  

keltiradi.    Ayniqsa,    ilm    ahli  –  olimlar    mehnatiga    alohida    e’tibor    berish,  

xayrixoh  bo’lishga  chaqiradi,  ularni  ma’rifat  tarqatuvchilar,  jamiyat  ravnaqiga  

hissa  qo’shuvchilar  deb  biladi. 

21 

 

Olim    bolalarni    mehnatga   o’rgatish    metodlari,    yo’llari    haqida   ham    fikr  

yuritadi.    Masalan,    bolalarni    eng    kichik    yoshidan    mehnatga    o’rgatish    kerak  

deydi. 

Beruniy    inson    kamolotida    uch    narsani    muhimligini    ta’kidlaydi.    Bu  

hozirgi  davr  pedagogikasida  ham  e’tirof  qilingan  irsiyat,  muhit  va  tarbiyadir.  

Ma’lum  bir  davrda  olimlar  inson  komolotiga  irsiyat,  muhitning  ta’sirini  inkor  

etib,  faqat  tarbiyani  tan  oladilar. 

Lekin,    Beruniy    o’z    zamondoshlari  –  buyuk    mutafakkirlar    Farobiy,    Ibn  

Sinolar  kabi  inson  kamolotida  uchalasini  ham  muhim  deb  hisoblaydi.  Ya’ni  

u    insonning    kamolotga    yetishida   ilmu    ma’rifat,    san’at    va    amaliyot    muhim  

ro’l    o’ynasa  –  da,    nasl  –  nasab,    ijtimoiy    muhit    va    ijtimoiy    turmush  

qonuniyatlari  ham    katta    ahamiyatga   ega   ekanligini   ta’kidlaydi.   Zero,   uning  

o’zi    ham    haqiqiy    komil    insonga    xos    xislatlarga    ega    ekanligini,    hayoti    va  

ijodiy  faoliyati,  yozgan  asrlari  bilan  isbotlab,  kelajak  avlodga  katta  ma’naviy  

meros  qoldirdi.  

 U  kishilar  hayotidagi  yomonlikni  qoralaydi.  Uning  fikricha,  bu  illatni  

yo’qotishning  asosiy    yoli    yomonlik    ildizlarini    topish    va    kesib    tashlashdir.  

Yomonlikning    shahobchalari    ko’p,    ammo    ularning    asosi    uch    narsa:    ta’ma,  

g’azab,    yuz    ilmsizlikdir.    Agarda    bu    asoslar    qirqib    tashlansa,    shohobchalar  

quriydi.  Bu  asoslarning  negizi  esa,  ishtaha  va  g’azabdir.  Ishtaha  insonga  eng  

kuchli    va    eng    halokatli    dushman    bo’lib,    insonni    ovqatlarni    tanovul    qilish  

lazzati    va    o’ch    olish    zavqi    bilan    aldaydilar.    Olimning    tushuntirishicha,    bu  

illatlar,  ranj  va  gunohga  olib   keladi.  Ularning  ta’siriga  berilib  ketgan  kishi  

insonlik  qiyofasini  yo’qotadi. 

Beruniy  rostgo’ylik,  to’g’ri  so’zlikni  ulug’laydi,  yolg’onchilikni  odamlar  

o’rtasiga  nizo  soluvchi  illat  sifatida  qoralaydi. 

Beruniyning    ma’rifat    va    bilimdonlik    darajasi,    kishilarning    mulohaza  

yuritish    holati    to’g’risida    biladigan    fikriga    ko’ra,    har    bir    narsani    aniq  

sinchiklab    o’rganish,    bilish,    shundan    so’nggina    bir    xulosaga    kelish    kerak.  

22 

 

Beruniy    bu    ishda    tajribaga    asoslanish    kerak    ekanligini    alohida    uqtiradi,  

nodonlik,  erinchoqlik,  ilmsizlikni  tanqid  qiladi.   

Beruniy   muruvvat  va  futuvvatni  eng  yahshi  insoniy  fazilat  hisoblaydi.  

Uning    ta’kidlashicha,    muruvvatli    kishi    o’z    qobliyati,    hushmuomalaligi,  

shafqatliligi, qat’iyatliligi,  chidam,  fazilat  va  kamtarlik  hislatlari  bilan  ajralib  

turadi. 

Beruniy    o’z    didaktik    qarashlarida    tabiat,    jamiyat    hodisalariga,    turmush  

voqealariga  xolisona baho  berish – inson  tabiatini  bildiruvchi  omil  ekanligini  

ta’kidlab,    kishilarni    voqealarga    mustaqil    va    ongli    munosabatda    bo’lishga  

undaydi. 

Olimning  ta’kidlashicha,  sezgi  o’z  qo’zg’atuvchi  a’zolari  orqali  yuzaga  

keladi.    Qo’zg’tuvchilar    bir    meyyorda    bo’lsa,    yoqmli    va    zararsiz,    agarda  

meyyordan    ortiq    bo’lsa,    dardli    va    halokatli    bo’ladi.    Ko’rish    sezgisini    nur  

qo’zg’atadi,    hidlash    burunga    uriladigan    hidlar    orqali    paydo    bo’ladi,    tam  -  

ozuqaning  mazasi  bilan  vujudga  keladi.  Bu  to’rt  sezgini  his etuvchi  mahsus 

a’zolar  tanada  mavjuddir,  beshinchi  sezgi  esa,  butun  badanda  voqeadir. 

Beruniy    inson    ana    shu    hususiyatlari    bilan    barcha    mavjudodlardan  

ustunligini    ta’kidlab,    insonning    asosiy    vazifasi    mehnat    orqali    ko’zlagan  

maqsadiga  erishish  yaxshilik  ko’rishdir,  degan  g’oyani  ilgari  suradi. 

Beruniy    “Mening    qalbim    ikki    biqinim    o’rtasida    turib,    ko’zlarning  

ko’rgani  quloqlarning  eshitganini  anglaydi,” – der  ekan,  bu  bilan  eshitish  va  

ko’rish  orqali  egallanishi  va  u  qalbga  bog’liqligini  ta’kidlaydi. 

Beruniy  olg’a  surgan  insonparvarlik  g’oyalari  ta’lim – tarbiya  xususidagi  

fikr – o’gitlari  mustaqillik  davrida  ham  yoshlarni  barkamol  qilib  yetishtirishga  

xizmat   qiladi. 

 

 

 

23 

 

Abu  Ali  Ibn  Sinoning  ta’lim  -  tarbiya    haqidagi    g’oyalari    hamda  

pedagogik ta’limoti  to’g’risida 

Dunyo    ilm    ahli    orasida    ma’lum    mashhur    bo’lgan    siymolardan    biri  

qomusiy    olim    Abu    Ali    ibn    Sino    hisoblanadi.  Bu    alloma    nafaqat    o’z  

zamonasining,    balki    kelajakning    ham    buyuk    mutafakkiri    sifatida    tarix  

zarvaraqlaridan    munosib    o’rin    oldi.  Ibn    Sino    Buxoro    yaqinidagi    Afshona  

qishlog’ida  980  yili  tug’ulgan. 

Ibn  Sino  maktabda  o’qidi,  turli  ustozlardan  ta’lim  olib  qator  tabiiy-ilmiy  

fanlar,    ijtimoiy-gumanitar    fanlar  –  matematika,    mantiq,    astranomiya,  

qonunshunoslik,    fizika,    falsafa    asoslarini    egalladi,    xususan,    tibbiyot    ilmini  

egallashga    qiziqdi,    tabiblik    bilan    shug’ullandi.    Ko’lab    asarlar    muallifi  

bizgacha    uning    450    dan      ortiq    asaridan    242    tasi    bizgacha    yetib    keldi. 

Shulardan  80  tasi  falsafa,  43  tasi  tabobatga  oid  bo’lib,  qolgan  qismi  mantiq,  

psixologiya,  astranomiya,    mantiq,    musiqa,    kimyo,    axloq,    adabiyot  

vatilshunoslik  sohalariga  oiddir.   

Ibn    Sinoning    temperament    haqidagi    qarashlari    psixologiya    faniga  

qo’shilgan    katta    hissa    bo’ldi.      Uning    “Tib    qonunlari”    asarida    psixik  

o’zgarishlarga  katta  o’rin  ajratilgan. 

Ibn  Sino  insonni  tana  va  jondan  tashkil  topadi,  deydi.  Miya  esa  jonni  

boshqaruvchi  markazdir.  Uning  fikricha  xashorotlar,  o’simliklar,  hayvonlar  va  

insonlar  qandaydir  ichki  kuch - jon  (“an  nafas”)  ga  egadir.  Inson  joni  bunda  

eng  oliy  va   yetuk  jondir.  Shuning  uchun  inson  fikrlash  xislatiga  mavhum  

tushunchalarni    o’zlashtirish,    bilish    mavjudodning    mohiyatini    tushunish,  

maqsadli    faoliyatni    amalga    oshirish    qobliyatiga    egadir.    Inson    aqli    jonning  

oliy    darajasidagi    ifodasidir.    Inson    mavjudod    muhiyatini    bilishi    uning  

tafakkurining  dunyoviy  aql  bilan  qo’shilishi  asosida  vujudga  keladi. 

Ibn  Sino  o’zining  asarlarida  yaxshilikka  olib  boruvchi  axloq  qoidalarini  

egallash,  insonning  axloqiy  munosabatlarini  rivojlantirishga  yordam  beruvchi  

axloq    qoidalarini    egallash,    insonning    axloqiy    munosabatlarini    rivojlanishiga  

24 

 

yordam    beruvchi    tadbirlar    orqali    ta’lim  –  tarbiyani    izchil    amalga    oshirish  

mumkunligini  alohida  qayd  qiladi.   

Ibn    Sino    bola    tarbiyasiga    e’tiborni    ona    qornidaligidan    boshlash  

kerakligini  takidlaydi  va  bola  tug’ulganidan keying  tarbiya  masalalarini alohida  

ko’rib  chiqadi.  Bola  tug’ulgandan  boshlab  oyoqqa  turguncha  ma’lum  tartibda  

tarbiyalanib  borishi  lozim.  Bu  tartib  o’z  vaqtida  ovqatlantirish,  cho’miltirish,  

uxlatish,  yo’rgaklash  kabi  tartiblardan  iborat.  Bularni  ham  ma’lum  qoidalar  

asosida    amalga    oshirish    darkor.    Bola    tabiatini    mustahkamlashdagi    muhim  

vositalar    asta  –  sekin  tebratish,    musiqa    eshittirish,    ashula    aytishdan    iborat  

bo’lib,    ular    tartib    bilan    amalga    oshirilsa,    bola    yaxshi    uxlaydi.    Tebratish  

uning  tanasiga,  musiqa  uning  ruhiyatiga  orom  baxsh  etadi.  Ibn  Sino  yosh  

bola  tarbiyasini  turli  sharoitda  ma’lum   izchillik  va  tartib  bilan  olib  borish  

haqida  onalarga  juda  yaxshi  maslahatlar  beradi.    

Bolalarning    o’spirinlikka    o’tish    davri    tarbiyasi    o’ziga    xos    xususiyatga  

ega  bo’lib,  bu  davrda  ularda  xulq – atvor  shakllanadi.  Bola  xulq – atvorining  

bir    xil    muvozanatda    bo’lishi    uchun    uni    keskin    g’azablanishdan,    qattiq  

qo’rquvdan    va    uyqusizlikdan    saqlash    zarur.    Bu    tartib    uni    yoqimli    xulq  – 

atvorli  qilib  tarbiyalashga  imkon  beradi. 

“Bola    xulqini    mo’tadillikda    saqlashga    alohida    e’tibor    berish    kerak. 

Bundan    ikki    manfaat    bor.  Biri  –  bolaning    ruhi    uchun    bo’lib,    u    yoshlikdan  

boshlab yaxshi  xulqli  bo’lib  o’sadi  va  keyinchalik  bu  unga  ajralmas  malaka  

bo’lib  qoladi. 

Ikkinchisi  –  uning    badani    uchundir,    chunki    yomon    xulq    turli    mijoz  

buzulishlaridan   bo’ladi.    Shuningdek,    agar   yomon   xulq   odatda   kirib   qolsa,u  

mijoz  buzulishini  keltirib  chiqaradi.  Masalan,  g’azab  kuchli  qizdiradi,  qayg’u  

kuchli  quritadi…” 

Bola  6  yoshga  to’lgandan  keyin  uni  maktabga  berish  kerak.  O’qitish,  

bilim    berish,    o’rgatish    ham    asta  –  sekin    amalga    oshirilishi    hamda    ta’limda  

quyidagi  tomonlarga  rioya  etish  kerakligini  ta’kidlaydi: 

25 

 

 

Bolaga  bilim  berishda  birdaniga  kitobga  band  qilib  qo’ymaslik; 

 

Ta’limda  yengildan  og’irga  borish  orqali  bilim  berish; 

 

Olib  boriladigan  mashqlar  bolalar  yoshiga  mos  bo’lishi; 

 

O’qishda  jamoa  bo’lib  maktabda  o’qitishga  e’tibor  berish; 

 

Bilim    berishda    bolalarning    mayl    qiziqish    va    qobliyatini    hisobga  

olish; 

 

O’qishni  jismoniy  mashqlar  bilan  qo’shib  olib  borish. 

Talabaga    bilim    berish    o’qituvchining    mas’uliyatli    burchidir.    Shunga  

ko’ra,    Ibn    Sino    o’quvchining    qanday    bo’lishi    kerakligi    haqida    fikr    yuritar  

ekan,  shunday  yo’l  yo’riqlar  beradi.  Bular  quyidagilardan  iborat: 

-

 

Bolalar  bilan  muomalada  bosiq  va  jiddiy  bo’lish; 

-

 

Berilayotgan    bilmning    talabalar    qanday    o’zlashtirib    olayotganiga  

e’tibor  berish; 

-

 

Ta’limda  turli  metod  va  shakldan  foydalanish; 

-

 

Ta’labaning    xotirasi,    bilimlarni    egallash    qobliyatini    va    shaxsiy  

hususiyatlarini  bilish; 

-

 

Fanga  qiziqtira  olish; 

-

 

Berilayotgan  bilmlarning  eng  muhimini  ajratib  bera  olish; 

-

 

Bilmlarni  talabaga  tushunarli  qilib,  uning  Yoshi  aqliy  darajasiga  

mos  ravishda  berishi; 

-

 

Har  bir  so’zning  bolalar  hissiyotini  uyg’otish  darajasiga  erishish  

zarur,  deydi  olim. 

Ibn    Sino    ta’kidlashicha,    bilishda    qaysi    metoddan    foydalanilmasin    u  

og’zaki    ifodali    bilmlarni    tushintirishmi,    turli    ko’rinishdagi    suhbatmi,  

tajribalarmi,  baribir  talabada  haqiqiy  bilim  hosil  qilish,  mustaqil  qobliyatini  

rivojlantirish,  olgan  bilmlarini  amaliyotga  tadbiq  qila  olish  qobliyatini  tarkib  

toptirishni  asosiy  maqsad  deb  bilgan. 

Bolaning  kitob o’qishga  haddan  tashqari  berilishi  uning   sog’ligiga  salbiy  

ta’sir  qiladi.  Bolaning  o’spirinlikka  o’tish  davrida  bolaga  og’ir  jismoniy  ish  

26 

 

topshirmaslik  kerak.  Ish  topshirishda  bolaning  xohishi,  istagi  hisobga  olinish  

lozim. 

Bolaning    kun    tartibi…    ularning    tanasi    va    salomatligini    saqlash    va  

o’sishini    ta’minlashga    qaratilgan    bo’lmog’i    kerak.    Bularning    hammasi  

bolaning  tanasi  va  ruhiyati  muvozanatini  saqlash  uchun   xizmat  qilishi  lozim. 

so’ng,    u    savod    o’rganishga    qobil    bo’ladi,    shundan    so’ng    savodga    o’rgata  

borish  mumkun. 

Avvalambor  axloqiy  va  aqliy  tarbiya  usullarini  yaxshi  egallagan,  irodali,  

dono,    g’amxo’r    va    dinga    ishongan    o’qituvchi    va    tarbiyachi    tanlash    kerak  

bo’ladi.  

Ibn    Sino    bolalarga    ta’lim  –  tarbiya    berishda    ta’lim    tizimining    samarali  

usullarini    aytib    o’tadi    va    bolalarni    bitta  –  bitta,    alohida    o’qitishdan    ko’ra,  

jamoa  tartibida  o’qitishni  afzal  deb  biladi  va  uning  ustunligi  haqida  gapirib   

shunday  yozadi:  “O’quvchilar  o’qish  va  tarbiya  jarayonida  ilmga  chanqoqlik  

sezadilar.    O’z    bilimlari    bilan    g’ururlanadilar,    bir  –  birlarining    bilimlariga  

havas  qiladilar.  G’urur  va  o’ziga  e’tibor  tarbiyalanuvchilarni  bir – birlaridan  

orqada  qolmaslikka  unddaydi. 

O’quvchilar  birga  bo’lganda  doim  bir – birlari  bilan  gaplashadilar  va  bu  

bilan  o’z  xotiralari  va  nutqlarini  rivojlantiradilar”.  

O’qituvchi    bolani    hunarga    o’rgatishda    uning    qobliyati,    istedodi,  

imkoniyatlarini  e’tiborga  olish  kerak,  barchani  birdaniga  bir  hunarga  o’rgatib  

bo’lmaydi. 

Ayrim    bola    tilni    o’rganadi,    ayrimlari    shoir    bo’lib,    yetishadi    yoki   

notiqlik  san’atini  egallaydi.  Ilmlarning  turli  sohalaridan  kimdir  tilni  o’rganish,  

kimdir    boshqa    ilmni    o’rganishga    kirishganidan    so’ng,    ba’zilarining    tibbiy  

fanni,  ba’zilarining  geometriya  ilmini  tanlagani  ma’lum  bo’ladi. 

Demak,    o’qituvchi    bolalarga    ta’lim    berishga    kirishishdan    avval,  

o’quvchining  xulq – atvorini  o’rganishi  va  bilimlarini  tekshirib  ko’rishi  kerak  

27 

 

bo’ladi.    Avvalo,  u    o’quvchining    nimaga    e’tibor    berishini    tekshirib    ko’rishi,  

so’ngra  unga  hunar  yoki  ilm  turini  tavsiya  etishi  kerak. 

Ibn    Sino    bolaga  jismoniy    va    aqliy    tarbiya    berish    haqida    “Tib    ilmlari  

qonuni”    asarida    bola    katta    bo’lib,    yetilgan    chog’ida    jismoniy    tarbiyaga  

ahamiyat    berish    zarurlgini    aytadi.    Uning    uqtirishicha,    odamning    yigitlik,  

yetuklik    yoshida    hamda    ulg’aygan    yoshida    sog’lik  –  salomatligini    saqlash  

uchun  zarur  bo’lgan  jismoniy  mashg’ulot  bilan  shug’ullanishi  kerak. 

Ulug’    mutafakkir    jismoniy    tarbiya    deb    inson    salomatligi    uchun    zarur  

bo’lgan  badanni  turli  xil  mashg’ulot  harakatlariga  o’rgatishni  nazarda  tutadi.  

Uning    fikricha,    jismoniy    mashg’ulotlar    bilan    o’z    vaqtida    va    mustaqil  

shug’ullanib    boruvchi    odam    hech    qanday    davolanishga    muhtoj    bo’lmaydi.  

Jismoniy    mashg’ulot    inson    ruhini    ham    tetiklashtiradi.    Ammo    jismoniy  

mashg’ulotlar  ortiqcha  bo’lmasligi  kerak,  aks  holda  badanning  tezda  charchab  

qolishiga  olib  keladi.  Jismoniy  mashg’ulotlarni  butunlay  tashlab  yuborish  esa,  

badanning  qarib,  tezda  ishdan  chiqishiga  olib  keladi. 

Har  bir  inson  o’zining  xulq – atvori,  imkoniyatlari,  qobliyati,  xohishiga  

qarab  jismoniy  mashg’ulot  turini  belgilab  olish  kerak. 

Ibn    Sinoning    aql    va    aqliy    tarbiyaning    tabiiy    va    psixologik    asoslarini  

aniqlashga  harakat  qiladi.  Uning  fikricha,  hayot, hayotiy  quvvat  uch  shaklda:  

o’simlik,  hayvonot  va  inson  shaklida  nomoyon  bo’ladi. 

Ibn    Sino    bolaning    ilm  –  fan    yoki    hunar    egallashga    intilishida  

o’qituvchining  unga  bilim,  hunar  o’rgatishi  zarurligini  uqtiradi. 

Ilm  –  fanga    intilish    insonning    eng    oliy    ma’naviy    harakatlaridandir.  

Chunki    ilm    odamni    ma’naviy    yuksaklikka    ko’taradi,    jamiyat    ravnaqining  

asosiy  omili  bo’lib  xizmat  qiladi. 

 

Tark  qil  bor  narsani,  jon  barchadan  a’lodurur, 

Jon  kamoli  ilmdandir, ilmdandir  so’lu  sog’. 

Jon  agar  bir  shisha  bo’lsa,  ilm  sham  chirog’. 

Hikmati  insonin  bilg’il  uch  chiroqda  misli  yog’. 

28 

 

Ul  agar  ravshan  yonar,  sen   ham  salomat  ham  tirik.   

Ul  chiroq  so’nsa,  sening  ham  o’lganingmasmu  shu  chog’.

 

 

Uning  fikricha,  ta’lim- tarbiya,  avvalo,  aqliy  tarbiyani,  yoshlarga  ilm – 

fan    o’rgatishni,    jismoniy    tarbiyani,    axloqiy    tarbiyani,    nafosat    tarbiyasini  

hamda    yoshlarga    ma’lum    hunarga    o’rgatish    masalalarini    o’z    ichiga    oladi.  

Axloqiy    tarbiya    inson    uchun    nihoyatda    muhim    ahamiyatga    ega.    Bolaning  

axloqiy  tarbiyasi  yoshlikdan,  bolalikdan  boshlanishi  kerak. 

Eng    muhim    axloqiy    boylik,    Ibn    Sinoning    ta’kidlashicha,    adolatdir.  

Adolat  muvozanat,  o’rtalik   tushunchalari  bilan  bog’liq.  Axloqiy  tushunchalar   

aqlga,  aqliy  bilimga  asoslanishi  lozim.  Lekin  inson  qanchalik  bilimdon  olim  

bo’lmasin,    ahloqiy    talablarga    tayanmasa,    u    odobsizlik    va    yomonlikka    yo’l  

qo’yadi.    Ibn    Sino    o’zining    “Qush    tili”    asarida    ikkiyuzlamachilik,  

yolg’onchilik    hoinlik    kabi    hislatlarni    qoralaydi,    inson    ustidan    har    qanday  

zo’ravonlikni  inkor  etadi. 

Ibn    Sinoning    yozishicha,    insonning    eng    yaxshi    fazilatlaridan    biri  – 

o’zining  yomon  axloqiy  xislatlarini  anglab,  ularni  yo’qotishga  intilishidadir.  

Uning    yaxshi   xislatlarida        ichida    boshqalarga    e’tibor   va   g’amxo’rlik    bilan  

munosabatda  bo’lishi   maxsus  o’rin  tutadi.  Kimki  o’zini  axloqini tarbiyalash  

uchun   o’z    oldiga   qo’ygan   vazifasini   bajarib,   o’z   xulqini   tuzatishga   intilsa,  

unga    hech    narsa    qo’rqinchli    emas.    Kimki    o’z    xatosini    tuzatsa,    u  

boshqalarning    tarbiyasi    haqida    g’amxo’rlik    qila    olishi    mumkun.    Boshqa  

odamni  tarbiyalamoqchi  hamda  uning  axloqini  tuzatmoqchi  bo’lgan  tarbiyachi  

avvalo  uni  yaxshi  o’rganishi  hamda  barcha  kamchiliklarini  yaxshi  bilib  olishi  

kerak.    Aks    holda    tarbiyachi    o’zining    oldiga    qo’ygan    vazifasini    bajara  

olmaydi.    Yangi    be’morning    kasalini    bilmay    turib,    uni    tuzatishga    kirishgan  

odamday  bo’lib  qoladi.  Tarbiya  tarbiyalanuvchini  yonon  axloqiy  hislatlardan  

ozod    qilish,    unga    yaxshi    axloqiy    fazilatlarni    singdirish    jarayonida    amalga  

oshiradi.    Axloqiy    tarbiyada    eng    muhim    vositalar    bolaning    nafsoniyatiga,  

29 

 

g’ururiga    tegmagan    holda    yakkama  –  yakka    suhbatda    bo’lish,    unga    nasihat  

qilishdir. 

Nasihat    qilishda    suhbatdoshga    nihoyatda    hurmat    bilan    yondoshish,    uni  

kamsitmaslik    kerak.    Ortiqcha,    so’z    aytib    uni    zeriktirmaslik    zarur.    Bir –  hil  

nasihatlarni  qaytara  berishlik  ta’sir  qilmaydi.   

Ibn    Sino    bolada    axloqiy    hislatlarni    mehnat,    jismoniy    va    aqliy  tarbiya  

bilan  uzviy  birlikda shakllantirishni,  uni  inson  qilib  kamol  toptirishda  asosiy  

omil  deb  biladi. 

Ibn  Sinoning  axloqiy  qarashlari  go’zallik,  nafosat  haqidagi  fikrlari  uning  

fors   va  arab  tilida  yozilgan  sherlarida,  badiiy  asarlarida,  go’zallik,  musiqa,  

she’riyat  haqidagi  falsafiy  fikrlarida  o’z  ifodasini  topgan. 

Buyuk  mutaffakkir  Abu  Ali  Ibn  Sinoning  inson  kamoloti  va  bu  sohada  

qilinadigan    ishlarni    tajriba    asosida    amalga    oshirish,    dunyoviy    ilmlarni  

o’rganish  yo’llari  haqidagi  ta’limotlari  nihoyatda  qimmatlidir. 

Ibn  Sino  o’quvchining  shaxsiy  xislatlariga,  ruhiyatga  e’tibor  berib,  uning  

aqliy    xususiyatlari,    ruhiyati,    mehnatsevarligi,    bilimi,    irodasiga    asoslangan  

holda  ta’lim – tarbiya  ishini  olib  borish  kerakligi  haqidagi  fikr -  mulohazalari  

bilam  milliy  va  umuminsoniy  pedagogik  fikr  rivojiga  ulkan  hissa  qo’shdi.