Ахборот тизимлари ва технологиялари

Амалий дастурлар пакети

• Режа:
• Ахборот тушунчаси
• 2. Ахборот тизими
• 3. Ахборот ресурслари
• 4. Дастур таъминоти
• 5. Система дастурлари.
• 6. Амалий дастурлар.

Ахборот сўзи лотинча information сўзидан олинган бўлиб, бирор иш холати хақида маълум қилиш, хабар бериш деган маъноларни билдиради. Ахборот тушунчаси инсон фаолиятининг барча сохаларида кенг қўлланилади. Ахборотнинг борлиқдаги шакли харакатдир. Ахборот тизими назариясида сақлаш, қайта тузиш ва узатиш объекти саналган барча маълумотлар ахборот деб аталади.

Ахборот – шахслар, предметлар, фактлар, вокеалар, ходисалар ва жараёнлар тўғрисидаги маълумотлар мажмуидир. Ахборот эркинлиги принциплари ва кафолатлари тугрисидаги конуннинг 3-моддасида ахборотга куйидагича таъриф берилган. Ахборот -манбалари такдим этилиш шаклидан катъи назар шахслар, предметлар, фактлар, вокеалар, ходисалар ва жараёнлар тўғрисидаги маълумотлардир. Бу қонун 2002 йил 12 декабрда қабул қилинган бўлиб, 2003йил 7 февралдан кучга кирган.

2003 йил 11 декабрда кабул килинган, 2004 йил 11 февралдан кучга кирган «Ахборотлаштириш» тўғрисидаги қонуннинг 3-моддасида ахборот тизимига куйидагича таъриф берилган. Ахборот тизими- ахборотларни йиғиш, сақлаш, излаш, ишлаш ва улардан фойдаланиш имконини берувчи ахборот ресурслари, ахборот технологиялари ва алока воситаларининг ташкилий тартибга солинган йигиндисидир. Ахборот ресурслари-ахборот тизими таркибидаги электрон шаклдаги ахборотлар, маълумотлар банклари ва маълумотлар базасидир.

Ахборот куйидаги сифатларга эга булиши лозим: Ахборотнинг сифат хусусиятлари (фойдалилиги)га: тўлақонлилик, қабул қилишнинг бемалоллиги, долзарблик, ҳозиржавоблик, аниқлилик ва ҳоказолар киради. Тўлақонлилик. Ахборот тўлақонлилиги объект фаолиятининг у ёки бу томонларининг миқдорий ва сифат параметрларини аниқ белгилаш ҳамда мос қарорларни ишлаб чиқаришда ифодаланилади.

Маълумотларнинг долзарблилиги муайян вақт мобайнида аниқ вазифани амалга ошириш учун яроқлилигини ифодалайди. Шу боис ҳам долзарблилик, ҳозир жавоблилик ва тезкорлик ахборотга хос хусусиятларга эгадир. Кечикмаслик ахборотнинг қулай ёки белгиланган вақтда келиб тушишини англатади. Бу талабни бузиш ахборотни қадрсизлантиради. Аниқлилик унинг тўғрилигини, деталлаштириш даражасини англатади. Ахборотнинг аниқлилиги унинг барча истеъмолчилар томонидан бир хил қабул қилинишини таъминлайди.