Ахборот технологиялари ва статистика

3.2. Ўзбекистонда халқаро туризмни ривожлантиришда ахборот технологиялари ва инвестицион ресурслардан фойдаланиш.
Ўзбекистонда халқаро туризмни ривожлантиришда ахборот технологияларнинг таъсири каттадир. Шундай экан мамлакатимизда ахборот технологияларини ривожантириш ва уларни замонавий ахборот жиҳозлари билан таъминлаш борасида Президентимиз томонидан олға сурилган бир қанча ишлар амалга оширилиб келинмоқда.
Ҳозирги кунда мамлакатимизда ахборот-коммуникация технологияларини ривожлантиришга кенг эътибор қаратилмоқда. Натижада республикамиз 2010 йилда мобил алоқанинг ривожланиши бўйича дунёдаги ўнта етакчи мамлакат қаторига қўшилди. 2010 йилда 2039,6 миллиард сўмлик алоқа ва ахборотлаштириш хизматлари кўрсатилди. Бу кўрсаткич 2009 йилга нисбатан 129 фоизни ташкил этди. Мамалакатимиз ялпи ички маҳсулотида алоқанинг улуши 12,4 фоизга тенг бўлди.
2010 йилда Ўзбекистон Республикасида мобил алоқа хизматидан фойдаланувчилар сони 2000 йилга нисбатан 200 баробар ошди. Ҳозирги кунда уларнинг сони 19 миллиондан ортиқдир. Ўн йил аввал мамлакатимиз аҳолисининг ҳар минг нафарига 4 донадан кам мобил телефон тўғри келар эди. Эндиликда бу кўрсаткич 600 донадан ошди.
Шунингдек, мамалакатимизда рақамли телефон хизматидан фойдаланувчилар ва рақамли телефон станциялар сони ортиб бормоқда. 2010 йилга келиб Тошкент, Самарқанд ва Наманган вилоятларида рақамли телефон станцияларнинг сони мос равишда 112, 108 ва 90 тани ташкил этди. Андижон, Сурхондарё ва Жиззах вилоятларида рақамли телефон станцияларининг сони республикамиз бўйича энг оздир. Жиззах вилоятида жами 35 та, Андижон ва Сурхондарё вилоятларида эса жами 45 та рақамли телефон станцияси мавжуд (3.2.1-жадвал).
3.2.1-жадвал
2006-2010 йилларда алоқа ва ахборотлаштириш хизматларининг ортиши