“ахборот хавфсизлиги”

2. Ахборот сирқиб чиқадиган техник каналларни аниқлаш усуллари ва воситалари

Электромагнит нурланиш индикаторлари қўшимча электромагнит нурланишларни аниқлаш ва назоратлаш учун ишлатилади. Индикаторнинг соддалаштирилган схемаси 4-расмда келтирилган.

4-расм. Электромагнит нурланиш индикаторининг схемаси
Асбоб фазонинг маълум нуқтасидаги электромагнит нурланишларни қайдлайди. Агар ушбу нурланишларнинг сатҳи бўсаға нурланишдан ошиб кетса товуш ёки нур ёрдамида ишловчи огоҳлантирувчи қурилма ишга тушади. Демак, ушбу жойда яширинча ўрнатилган радио қурилмаси (радиозакладка) мавжуд.
Замонавий индикатор D-008 нинг кўриниши 5 - расмда келтирилган. Асбоб ишлашининг иккита режими мавжуд:

• 
  радионурлантирувчи закладкани қидиришга мўлжалланган майдонни аниқлаш;
  
• 
  яширинча тингловчи қурилмаларни қидиришга мўлжалланган симли линияларни тахлиллаш.
  

Ушбу асбоб модуляция хилига боғлиқ бўлмаган ҳолда закладкаларни аниқлайди. Аниқлаш радиуси нурланиш қувватига, закладка ишлаши частотасига, текширилувчи хонадаги электромагнит аҳволга боғлиқ. Закладка қуввати 5 мВт бўлганида аниқлаш радиуси тахминан 1м га тенг бўлади.

5-расм. D-008 индикатори
Акустик тескари боғланиш режими қурилманинг локал электромагнит майдон таъсирида янглиш ишлашини бартараф этиш ва ўзига хос товуш сигнали бўйича закладкани аниқлаш имкониятини беради. Қурилма 50­1500 мГц частота диапазонида ишлайди.
Шахсий компьютерлар асосида қурилган автоматлаштирилган қидирув комплекси ишлашини "Нелк" фирмасининг "КРОНА" ва "КРОНА Про" комплекслари мисолида кўрамиз.
"КРОНА" комплекси (6-расм) қуйидаги муолажаларни бажаришга мўлжалланган:
ҳозирги кунда маълум барча ниқоблаш воситаларидан фойдаланувчи радиозакладкаларни аниқлаш ва локализациялаш. З ГГц гача диапазонда ишлайди (қўшимча конвертор билан 18 ГГц гача). Маълумотларни узатувчи рақамли каналларни ва ахборотни радиоканал бўйича узатувчи яширин видеокамераларни автоматик тарзда аниқлаш имкониятига эга. Мавжуд дастурий таъминот радиозакладкаларни юқори даражада ишончлиликда аниқлашга имкон беради;

6-расм. "КРОНА" русумли автоматлаштирилган қидирув комплекси
Юқорида кўрилган автоматлаштирилган қидирув комплекслари стандарт компьютерларда ва оддий кўчмас сканерловчи приемниклар асосида қурилган.