Агзамходжаев Т. С., Хайдаров М. Б. Исмаилова М. У толипов М. Г., Бабаниязов К. К

Базофиллар (basophilus)
Норма: 0–1 % (0–0,065 х 10⁹/л)
Базофиллар— диаметри 9–14 мкм, бўлакланган ядроли, нотўғри паррак шаклдаги, тўқ-сиёхранг хужайралар. Базофиллар цитоплазмаси йирик думалоқ ёки полигонал, Романовский билан кўк рангга бўялувчи гранулалар билан тўлган. Гранулалар гепарин, гистамин, серотонин, пероксидаза, нордон фосфатаза, гистидин декарбоксилаза (гистамин ферменти синтези) тутади. Азурофил гранулалари — лизосомалари хам мавжуд.
Базофиллар, эозинофил билан бир қаторда организмнинг аллергик реакцияларида, хамда гистамин ва гепарин алмашинувида иштирок этади. Базофиллар ва семиз хужайраларнинг вазоактив аминлари, қон томирлар деворида иммун комплекслар тўпланишига ва иммун комплекслар патологиси ривожланишига сабаб бўлиши мумкин. Базофилларнинг асосий вазифаси — секин кечар ва тез кечар типли иммунологик реакцияларда қатнишиш. Базофиллварнинг фагоцитар активлиги суст.
Базофиллар тўқима алмашинувида керакли медиаторларнинг ташувчиси хисобланади. Базофилия кузатилади:

• 
  острых реакциюқори сезгирлик билан кечувчи ўткир реакцияларда (масалан, эшакеми типидаги аллергик реакциялар);
  
• 
  бегона зардоблар билан вакцинацияда;
  
• 
  гемофилия;
  
• 
  вирусли касалликларда (сувччечак, грипп);
  
• 
  сурункали инфекцияларда (туберкулез);
  
• 
  яллиғланиш жараёнларида (ревматоид артрит, ярали колит);
  
• 
  сурункали миелолейкоз( эозинофилия билан бирга), лимфогранулематозда;
  
• 
  эстрогенлар, антитиреоид препаратлар таъсирида.
  

Базофиллар сонининг камайиши (базопения) кузатилади:

• 
  ўткир инфекцияларда;
  
• 
  гипертиреозда;
  
• 
  овуляция, хомидладорликда;
  
• 
  стресларда;
  
• 
  Кушинг синдромида ва кортикостероидлар таъсири натижасида.
  

Лимфоцитлар (lymphocytus)
Норма: 19–37 % (1,200–3,000 х10⁹/л)
Лимфоцитлар — диаметроми 7–12 мкм ли, хужайранинг катта қисмини эгаллайдиган думалоқ ёки ловиясимон шаклли ядрога эга хужайралар. Цитоплазмаси, оч-хаворангга бўялади, доналарга эга эмас. Ядросининг атрофида ёруғ доираси бор. Баъзи лимфоцитлар цитоплазмасида бир неча гурух, йирик олча-қизил (азурофил) рангли доналари (лизосомалари) бор.
Соғлом одамларда лимфоцитларни тўрт гурухга бўлиш мумкин:

• 
  йирик лимфоцитлар (10–12 % га яқин);
  
• 
  кичик ёруғ лимфоцитлар (73–77 %);
  
• 
  кичик тўқ рангли лимфоцитлар ( 12–13 % га яқин);
  
• 
  лимфоплазмоцитлар (1–2 %).
  

Қонда айланувчи лимфоцитлар,турли вазифаларни бажаради. Уларнинг асосий қисми Т-лимфоцитларга мансуб — 50–70 %, кичикроқ қисмини В-лимфоцитлар — 15–25 % ташкил этади. Морфологик жихатдан одамда Т- ва В-лимфоцитларни ажратиб бўлмайди.
Тимусга қарам лимфоцитлар (Т-лимфоциты), тимусда суяк кўмигининг ўзак хужайраларидан хосил бўлади, хужайра иммунитети реакциялари ва гуморал иммунитетни бошқаради. Иммунологик реакциялардаги иштирокига қараб, Т-лимфоцитлар икки асосий гурухга бўлинади.
Биринчи гурухни ташкил этади: иммунологик хотира хужайралари, яъни ёт антигенни таниб олиб, иммунологик реакцияни бошланишига сигнал беради (антиген реактив хужайралар);

• 
  Т-киллерлар ( организмнинг трансплантат ва мутант хужайраларини (масалан ўсма) йўқотувчи цитотоксик хужайралар.
  

Иккинчи гурухга В-лимфоцитларни бошқариб турувчи Т-лимфоцитлар киради. Улардан Т-хелперлар ва Т-супрессорлар:

• 
  Т-хелперлар (ёрдамчи) антигенни специфик таниб олиш ва антителаларни хосил бўлишини кучайтириш хусусиятига эга;
  
• 
  Т-супрессорлар (сиқувчи) В-лимфоцитларнинг антителалар хосил бўлишида қатнмшмш хусусиятини пасайтиради.
  

Т-лимфоцитларнинг В-хужайраларга таъсири, уларнинг антигенга таъсиридан хосил бўладиган эрувчан моддалар – лимфокинларга боғлиқ.
В-лимфоцитлар суяк кўмигининг ўзак хужайраларидан, эмбрионал жигарда хосил бўлади, катталарда эса – суяк кўмигида. Уларнинг асосий вазифаси - гуморал иммунитетни таъминлаш. В-лимфоцитлардан хосил бўладиган эффектор хужайралар — плазмоцитлар — химоя оқсиллари — иммуноглобулинлар (антитела) ишлаб чиқаради.
Лимфоцитлар тез харакатланади ва бошқа тўқималарга хам ўтиш хусусиятига эга, у ерда улар узоқ вақт сақланиши мумкин. В лимфоцитларда ДНК таркиби РНК дан кўпроқ, бу хужайранинг специфик хусусиятлариги, ҳамда антиген хақида маълумот сақлашига боғлиқ. Бу маълумотнинг намоён бўлиши лимфоцитларининг морфологик ва субмикроскопик организациясини ўзгартиради.
Лимфоцитоз — лимфоцитлар сонининг ортиши —
Кўп касалликларда, хатто соғлом инсонларда ҳам учраши мумкин. Абсолютный ва нисбий лимфоцитоз фарқланади.
Абсолют лимфоцитоз характерли:

• 
  Ўткир ва сурункали лимфолейкозга (70–90 %);
  
• 
  вирусли инфекциялар,инфекцион мононуклеоз синдроми;
  
• 
  бактериал инфекциялар (қизамиқ, қизилча, қоқшол, туберкулез);
  
• 
  юрак қон-томир етишмовчилиги; ревматоид артрит;
  
• 
  тиреотоксикозда ва х.к.
  

Нисбий лимфоцитоз грипп, вирусли гепатитда, қорин тифида, сифилис, токсоплазмоза, малярия, ўткир инфекцион касалликлардан тузалиш даврида.
Лимфоцитопения кузатилади:

• 
  нур касаллигида;
  
• 
  лимфатик аппаратни тизимли зарарланишларида (лимфогранулематоз, лимфосаркома);
  
• 
  ОИТСда - специфик симптом;
  
• 
  кортикостероид терапиия таъсирида, иммунодепрессантлар қабул қилганда.