Agrokonsalting

Birinchidan – shakllantirilgan axborot-maslahat xizmati markaziga uzatiluvchi,ayniqsa tugallangan ilmiy-texnik ishlanmalarga va innovatsiyalarga tegishli ma’lumotlar bazasini tashkil etish va ulardan foydalanish tartibi ishlab chiqarilishi zarur.
Ikkinchidan – axborot iste’molining asosiy iste’molchisi AMX bo‘lganligi uchun AMXning o‘rnatilgan tartibda jahon ma’lumotlar banki bazasiga kirishini ta’minlash lozim. To‘laqonli axborotlartlarga ega bo‘lmasdan turib, tovar ishlab chiqaruvchilarga zamon talablariga javob beradigan malakali axborot xizmati ko‘rsatib bo‘lmaydi.
Uchinchidan – O‘zbekiston sharoitida AMX yangi institut ekanligini hisobga olib, boshqaruvning barcha bo‘g‘inlarida mutaxassislar tayyorlash vaqayta tayyorlash tizimini yo‘lga qo‘yish lozim.
To‘rtinchidan – qishloq xo‘jaligida AMXni tashkil etish va faoliyatini moliyalashtirish masalalarini hal qilish uchun qishloq xo‘jaligi korxonalarining to‘lov qobiliyatini oshirish masalasini hal qilish zarur.
Rivojlangan mamlakatlar amaliyotidan kelib chiqib, AMXni tashkil etish va faoliyatini davlat tomonidan qo‘llab quvvatlash mexanizmidan foydalanish maqsadga muvofiqdir. Axborot-maslahat xizmati ko‘rsatish xizmati - korxona maqsadini belgilash, boshqaruv qarorlarini qabul qilish uchun axborotlarni joriy yig‘ish va ishlash korxona iqtisodiy ko‘rsatkichlarining rejadan chetlanishi ustidan nazorat o‘rnatish, eng muhimi optimal boshqaruv qarorlar qabul qilish bo‘yichaishlanmalar tayyorlash kabi vazifalarni o‘z zimmasiga oladi. Butun tizim ish faoliyatini korxona oldiga qo‘yilgan maqsadlarni amalga oshirishga qaratib, Axborot maslahat xizmatini rejalashtirish, hisob, nazorat, iqtisodiy tahlil, axborot oqimini tashkil etish va shunga o‘xshash ko‘pgina ishlar bir butun holida tekshiriladi. Bugungi xo‘jalik yuritishdagi ishlab chiqarish ba’zi bir ko‘rsatkichlarining kamayishi, iqtisodiy xalqalarning ayrimlarida debitorlik qarzlarining ko‘pligi, ba’zi bir mintaqalar bilan iqtisodiy aloqalarning o‘rnatilmaganligi, inflyatsiya, byudjet tanqisligi, biznesni yuritishda qonundan chetlanish kabi qiyinchiliklar menejerga bozorni to‘g‘ri mo‘ljal olishga xalaqit beradi. Bu esa maslahatchilar yordamiga extiyojni oshiradi. Bunday sharoitda axborot – maslahat xizmatining quyidagilarga yordami tegadi: