Agrokimyo va agrotuproqshunoslik

1.4. Ayrim og’itlar haqida ma’lumotlar


Karbamid. Karbamid sanoatda yelimlar, qatron va boshqalarni tayyorlashda xomashyo sifatida, qishloq xo’jaligida, shu jumladan xususiy xo’jaliklarda va fermer xo’jaliklarida mineral azotli o’g’it sifatida, shuningdek chorvachilikda qo’shimcha ozuqa sifatida qo’llaniladi. Karbamid qo’llanilishiga qarab ikkita markada («A» va «B») ishlab chiqariladi.


Ammiakli selitra. Ammiakli selitra - yarmi harakatchan, tez o’zlashadigan nitrat shaklidagi va yarmi sekin g’amda davomli ta’sir etuvchi ammiak shaklidagi, tarkibi 34,4 % azotdan iborat bo’lgan universal azotli o’g’itdir. O’g’it - o’simliklar tomonidan to’liq va tezda o’zlashtiriladi, u turli qishloq xo’jalik ekinlariga keng ta’sir etadi. Selitra ikkita markada ishlab chiqariladi: "A" - sanoatda xomashyo sifatida, shuningdek oddiy portlovchi moddalarni tayyorlashda va "B" - qishloq xo’jaligida foydalaniladi.

Ammoniy sulfat. Ammoniy sulfat o’g’iti - tarkibi ammoniy shaklidagi 21% azot va sulfat-ion shaklidagi 24% dan ortiq oltingugurtdan iborat bo’lgan, o’simliklarni oziqlanishi uchun muhim bo’lgan o’g’itdir. U ozgina gigroskopik bo’lib, kam yopishadi, yaxshi sochiladi va suvda tez eriydi, havoda yoyilib ketmaydi va sochiluvchanligini saqlaydi. Tashqi ko’rinishi jihatidan ammoniy sulfat - oq yoki nimrangli kristall holdagi kukun bo’lib, och sariq va pushti rangda ham bo’lishi ruxsat etiladi. Ammoniy sulfat ozuqa sifatida qo’llaniladi. Bu o’g’itni nafaqat bahorda, kuzda ham yerga solish mumkin, chunki ammoniy sulfatning ammoniyli azoti tuproqdan yuvilib ketmaydi va o’simliklar tomonidan yaxshi o’zlashtiriladi.

Aralashtirilgan azot - fosforli o’g’it. Yuqori konsentrasiyali donadorlangan azot-fosforli o’g’it - ammiakli selitrani ammofos bilan 9:1 nisbatda mexanik yo’l bilan aralashtirish orqali olinadigan o’g’itdir. Mahsulot mineral o’g’it sifatida qo’llaniladi. Ushbu o’g’it barcha turdagi tuproqlarga, asosiy va ekish paytida qishloq xo’jalik ekinlari ostiga solish uchun ishlatiladi.