Agrobiocenoz diyqanshiliqta ju'zege keletug'in biocenoz

Pa`shek - pa`shekler semeystvosina kiredi, ko`p jilliq qaptal tamirli jabayi o`simlik esaplanadi. Tamirinin` qaptal tamirlari ku`shli rawajlanadi, 1-3 m teren`likke shekem jetedi. Vegetativ ko`beyiwi 40 sm terenlikke shekem baradi. Paxali basqa eginlerge o`rmelep, shirmasip o`sedi, boyi 30-200 sm. Japiraqlari izbe-iz jaylasqan. Gu`lleri ashiq qizil yamasa aq ren`de. Miywesi shar siyaqli eki tuximli qaplama. Tuximi ku`l ren`-qon`ir, qara-qul ren`, uzinlig`i 2,5-3, eni 2-2,5 mm, 1000 dana da`ninin` salmag`i 5-6 g.

Tuximi +4-6⁰С temperaturada ko`gerip shig`adi, optimal temperatura 18-24⁰C. Tuximi ha`m tamir bu`rtikleri mart ayinan gu`zge shekem o`sedi. Birinshi jili iyul-sentyabrde, ekinshi jili maydan gu`zge shekem gu`lleydi. Иyuldan-okyatbrge shekem tuxim saladi. Bir tu`p o`simlik 9-10 min` dana tuxim saladi, 15 santimetr teren`likten ko`gerip shig`adi, 50 jilg`a shekem ko`geriwshen`ligin saqlaydi. Tamirinin` 1-2 sm kesindisinen jan`adan o`simlik o`sip shig`adi. Jer u`stindegi bo`legi -1-3⁰ S suwiqta nabit boladi. Atizlarda, bag`larda, tamarqalarda, bos jerlerde, jol boylarinda, salma jag`alarinda ushrasadi. 

  Shashaq tamirlilar. Bul biologiyaliq gruppag`a bir neshe ko`p jilliq osimlikler tiyisli bolip, vegetativlik usilda ko`beyiwi ushin arnawli organlarg`a iye emes. Olardin` tiykarg`i tamirlari qisqarip, ko`plep qaptal tamirlar payda etedi, yag`niy shashaq tamirlar rawajlang`an. Eger shashaq tamir moyninan kesilse, onnan jan`a o`simlikler payda bolmaydi. Sonin` ushin bul gruppag`a tiyisli bolg`an o`simlikler tek tuximinan ko`beyedi. Shashaq tamirlilarg`a atqulaq ha`m basqalar misal boladi.

Piyazbaslilar. Bul biologiyaliq gruppag`a kiriwshi o`simlikler ha`r jili o`siw da`wirin paxalinin` jer asti bo`leginde shar siyaqli-domalaq piyaz payda etiw menen tamamlaydi. Tuximnan shiqqan piyaz birinshi jili tek japiraq shig`aradi, 2-3 jili gu`lleydi ha`m tuximlaydi. Ayirim tu`rleri ekinshi jildan baslap paxal shig`aradi. Gu`l piyaz, qum piyaz, taw piyaz, qir piyaz ha`m basqalar misal boladi.