Agrobiocenoz diyqanshiliqta ju'zege keletug'in biocenoz

G`umay- masaqlilar semeystvosina tiyisli bolip, ma`deniy eginler ushin ju`da` qa`wipli ko`p jilliq jabayi o`simlik. O`simliktin` boyi 1-2 m ge shekem bolip paxali tik o`sedi. Japirag`inin` eni 2-4 sm keledi. Gu`l toplami sipse siyaqli, uzinlig`i 40 sm ge shekem boladi, iyul-avgust aylarinda gu`lleydi, avgust-oktyabrde tuximi pisedi. Miywesi uzinsha da`n, qabiqli, uzinlig`i 4-5, eni 1,5-2 mm, 1000 dana da`ninin` salmag`i 4,5-9,5 g. Tuximlari +10-+12⁰С temperaturada ko`gerip shig`adi.

G`umay tuximinan, tamirpaxaldan ko`beyedi. Jaqsi rawajlang`an bir tu`p g`umay bir jilda 8 min`g`a shekem tuxim, 50-60 tamirpaxal ha`m 500-700 buwin payda etip 2-3 m² jerdi iyelewi mu`mkin. Tuximi topiraqta ko`geriwshen`ligi 4 jilg`a shekem saqlaydi. Eginler arasinda tuximnan o`skeng`umaydi gu`llew da`wirine deyin qol menen yamasa kultivatsiya islew menen joq etiw mu`mkin. Onin` tamirpaxali tiykarinan 20 sm ge shekemgi topiraq qatlaminda rawajlanadi. Sonin` ushin ma`deniy eginler qatar aralarina o`tkeriletug`in islewlerdi qiyinlastiradi ha`m sapasiz orinlaniwina sebepshi boladi. O`nimdarli, jumsaq ha`m ig`alli jerlerde g`umay ju`da` tez o`sedi ha`m rawajlanadi. Jumsaq jerde onin` tamirpaxallarin 40-50 sm teren`likte de ushiratiw mu`mkin.