Agrobiocenoz diyqanshiliqta ju'zege keletug'in biocenoz

Ba`ha`rgi jabayi o`simlikler o`z gezeginde erte ha`m kesh ba`ha`rgiler bolip bo`linedi. Sonin` ushin olardin` na`lleri ba`ha`rde ha`m gu`zde shig`adi, ma`wsimde bir ma`rte tuxim beredi.

Erte ba`ha`rgi jabayi o`simlikler erte ba`ha`rde o`sip shig`adi ha`m ma`deniy eginlerdin` o`nimin jiynap alg`ang`a shekem yamasa olar menen bir waqitta tamamlanadi. Bularg`a jabayi suli, suw shigin, sali shigin, aq sora, qizil sora, qara sora ha`m basqalar misal boladi.

Kesh ba`ha`rgi jabayi o`simliklerdin` tuximi topiraq jeterli qizg`anda g`ana o`sip shig`adi, a`ste rawajlanadi. Olardin` tuximi ma`deniy eginlerdin` o`nimi jiynap aling`annan keyin jetiledi. Na`tiyjede olardin` tuximi jerge to`giledi.

Aq sora – japiraqlari un siyaqli daqlar menen qaplang`an bolip, suwg`arilatug`in eginler, g`awasha arasinda ken` tarqalg`an. Paxali tuwri, boyi 60-100 sm ge shekem jetedi, shaqasi siyrek, japiraqlari uzinsha, sheti qirli bolip o`sedi. Sora ju`da` tuximli bolip, bir tu`binde 5-6 ju`z min` dana tuxim payda boladi. 1000 dana da`ni 1,2-1,5 g., u`lken-kishiligi, ren`i ha`r qiyli boliwi mu`mkin. Tuximinin` u`lkenligi, tiykarinan u`sh tu`rli: u`lken, qon`ir ren`lisi birinshi jili, mayda qara ren`lileri 2-jili, ju`da` mayda qara jaltiraq tuximlar bolsa 3-jili o`sip shig`adi. Onin` tuximin haywanlar sho`p penen birge jegende o`siwshen`ligin toliq jog`altpaydi, qiy menen atizg`a tu`sip tez tarqaladi. Tuximi topiraqta o`siwshen`ligin 30-38 jilg`a shekem saqlaydi ha`m o`sip shig`iwi ushin +3+4⁰C jetkilikli, iyul-avgustta gu`lleydi, avgust-oktyabrde tuximi pisedi, 8-10 sm den teren`ge tu`sse ko`germeydi.