Аграр тармоқ иқтисодий салоҳиятини оширишда институционал ислоҳотлар ва

 
84 
чиқариш аппаратини янгилаш, инсонларни ундан самарали фойдаланишга 
тайёрлаш, истагини уйғотиш ва рағбатлантиришга имкон яратади. Ҳар 
қандай хўжалик юритувчи субъект иқтисодини ривожлантиришда 
инновацион омилларнинг ўзаро уйғунлашишидан устун фойдаланиш унинг 
сифат жиҳатидан янги ривожланиш босқичига ўтказилишининг моҳияти 
бўлиб, у бозор муҳитидаги энг муҳим хусусиятларни – иқтисодий 
барқарорлик ва рақобатбардошликни қўлга киритиш имконини беради. 
Корхонанинг ахборот салоҳияти - корхонага кириб келадиган ахборот 
оқимларидан самарали фойдаланиш ва тезкорлик билан ўтказишда 
ифодаланади. Ахборотнинг ўзига хос бутун бир мажмуавий хусусиятларга 
эга бўлиб, у истеъмол жараёнида истеъмол қилинмайди, истеъмол билан 
чекланмайди. Шу билан бирга ахборотни қабул қилиш ва қайта ишлашнинг 
қулай механизми ишлаб чиқариш жараёнига бевосита таъсир кўрсатади. 
Бундан ташқари, ташқи ахборотга жавоб реакцияси тезлиги ва ундан 
самарали ва ўз вақтида фойдаланиш қобилияти нафақат корхоналарнинг 
омон қолишига, балки ўз мавқеларини сезиларли даражада мустаҳкамлашга 
ҳам имкон беради. 
Инновация ва ахборот салоҳиятларининг уйғунлиги, асосан, ишлаб 
чиқаришни ўз вақтида даврий янгилаш, технологияларни ўзгартириш ёки 
такомиллаштириш, янги маҳсулотларни ишлаб чиқиш, шунингдек, кириб 
келадиган ахборотларни сифатли қайта ишлаш ва таҳлил қилиш имконияти 
билан тавсифланади. 
Хулоса қилиб айтганда, корхоналар фаолият самарадорлигини иқтисодий 
салоҳиятнинг ҳолатини, унинг у ёки бу таркибий қисмининг мавжудлиги ва 
сифати аниқлаб беради. Иқтисодий салоҳиятнинг бирон-бир таркибий 
қисмининг йўқлиги ёки етишмаслиги, уни қайта кўриб чиқиш ва 
ривожлантириш зарурлигини тақозо этади. Корхонанинг иқтисодий 
салоҳиятини ривожлантиришни унинг таркибий қисмларини ривожлантириш 
орқалигина амалга ошириш мумкин бўлади. Корхонанинг иқтисодий 
салоҳияти маълум бир ўсиш ёки камайиш ҳолатида бўлиб, ундаги 
ўзгаришлар нафақат ўсишга, балки камайишга ҳам олиб келишимумкин. 
Демак, иқтисодий салоҳиятнинг ўсиш ёки камайиш ҳолати, унга турли 
омилларнинг таъсири натижасида вужудга келади (кадрлар таркибининг 
ўзгариши, техника ва технология таъминотнинг ўзгариши, молиявий 
маблағлар жалб этиш, инновацияларни жорий этиш ва бошқалар).