Аграр тармоқ иқтисодий салоҳиятини оширишда институционал ислоҳотлар ва

 
149 
юритади, бунда барча меҳнат оила аъзолари томонидан амалга оширилади.
Шунингдек, деҳқон хўжаликлари оиланинг мулк ва пул ресурсларидан 
дастлабки капитал сифатида фойдаланиш, оилавий мулк билан таъминланган 
қарз маблағларини жалб қилиш каби хусусиятлар билан ҳам белгиланади.
2-расм. Қишлоқ, ўрмон ва балиқ хўжалиги бўйича корхона ва 
ташкилотларнинг сони, бирликда
Мамлакатимизда деҳқон (шахсий ёрдамчи) хўжаликлари ва томорқа ер 
эгалари фаолиятининг энг истиқболли, самарали йўналишларидан бири 
асаларичиликдир. Асаларичилик қишлоқ хўжалигининг ажралмас, муҳим 
тармоғи бўлиб, асалари оилаларини кўпайтириш, асал, мум, гулчанги ва 
бошқа асаларичилик маҳсулотларини етиштириш, қишлоқ хўжалик 
ўсимликларини чанглантириб, ҳосилдорликни ошириш ва мева, резаворлар 
ҳосили сифатини яхшилаш билан бир каторда уруғчилик хўжаликларида 
уруғлик унумли ва сифатли бўлишида асалариларнинг ўрни беқиёс 
ҳисобланади. Асал етиштириш республикада салмоқли ўринда туриш 
мумкинлиги асаларичилик маҳсулотларига йилдан-йилга талаб ошиб бориши 
(асал, мум, гулчанги, прополис, асалари сути ва захри ниҳоятда қимматбаҳо 
неъматлар бўлиб, инсон саломатлиги, тиббиёт ва фармацевтика саноати учун 
жуда ноёб хом ашё саналади) ва шунга мос равишда маҳсулот нархининг 
ўсиши билан изоҳланади. Дарҳақиқат, асаларичилик қишлоқ хўжалигининг 
сердаромад соҳаларидан ҳисобланади. Асаларичиликнинг асосий маҳсулоти 
бўлган асалдан ташқари янги ёш оила етиштириш ҳамда гул чанги, она ари 
сути, прополис ҳамда асалари заҳарини тўплаш орқали асаларичиликдан 
катта даромад олса бўлади. 
Кейинги 
йилларда 
республикамизда 
аҳолининг 
озиқ-овқат 
хавфсизлигини таъминлаш, шу жумладан, сифатли асал маҳсулотлари ишлаб 
чиқариш ҳажмини кўпайтириш бўйича қатор чора-тадбирлар қабул қилинди. 
Уларнинг ижроси самарали таъминланмоқда. Амалга оширилган чора-

---