Adsorbsiya

Adsorbentlarning gazlarni yutishi
Ma`lumki har qanday adsorbentning gazlarni yutish qobiliyati uning g`ovakligiga, fizik xossalariga bog`liq. Gazlar kristall adsorbentlardan ko`ra amorf adsorbentga yaxshiroq adsorblanadi, chunki amorf adsorbent sirti tekis bo`lmay, g’adir-budur bo`ladi. Kristall adsorbentda esa asosan qirra va cho`qqilar adsorbsiyada ishtirok etadi. Adsorbent eng muhim xossalaridan biri ularning g`ovakligi hisoblanadi. G`ovaklarning hajmini o`lchash uchun paromer deyiladigan maxsus asbob qo`llaniladi. G`ovak adsorbentlarning solishtirma sirti katta bo`ladi.
Eritmalarda sodir bo`ladigan reaksiyalar natijasida cho`kma holida ajralib chiqadigan (masalan, BaSO<sub>4</sub>) yoki qattiq jismlarni maydalab tayyorlanadigan nog`ovak adsorbentlarning solishtirma sirtlari kichik bo`ladi (1-10 m<sup>2</sup>/g); ular kam ishlatiladi. Ko`proq ishlatiladigan nog`ovak adsorbentlar jumlasiga organik va kremniy organik moddalarning chala yonish mahsulotlari (qora qurum, oq qurum) shuningdek, kremniy galogenidlari (SiCl<sub>4</sub>, SiF<sub>4</sub>) ning suv bug`i bilan gidrolizlanish mahsulotlari (aerosillar) kiradi. Bu adsorbentlarning solishtirma sirtlari 100 m²/g ga yetadi.
G`ovak adsorbentlar odatda kukun holida ishlatilmasdan, mustahkam granula yoki tabletka shaklida ishlatiladi. 14-jadvalda nog`ovak va g`ovak adsorbentlarning ba`zi xarakteristikalari keltirilgan.
G`ovak adsorbentlarning eng muhimlari aktivlangan ko`mir va silikagellardir. Ko`mirda yutish qobiliyati borligi XVIII asrdayoq ma`lum bo`lgan. Lekin 1915 yilda H.A. Zelinskiy aktiv ko`mir hosil qilish usulini taklif qildi va uni E.L. Kumant bilan hamkorlikda rezina niqobli universal protivogaz uchun ishlatdi. Ko`mirni aktivlash usullaridan biri pista ko`mirga o`ta qizigan suv bug`i berishdan iborat, suv bug`i yog`ochning quruq haydalishi vaqtida hosil bo`lgan ko`mir g`ovaklarini to`ldirib qo`ygan chirik moddalarni yuvub yuborib, ko`mirni tozalaydi.
1-jadval