Adliya vazirligi adliya organlari va muassasalarida davlat tilida ish yuritishni tashkil

O‘zbekiston Respublikasida axborot-kommunikatsiya 
texnologiyalarini rivojlantirish holatini baholash tizimini 
joriy etish chora-tadbirlari to‘g‘risida. 2013-yil 31-dekabr, 
355-son
Vazirlar Mahkamasining 2013-yil 31-dekabrdagi 355-son 
qaroriga 3-ilova
Davlat va xo‘jalik boshqaruvi organlari, mahalliy davlat 
hokimiyati organlarining rasmiy veb-saytiga qo‘yiladigan 
ASOSIY TALABLAR
8. Rasmiy veb-saytdagi axborotlar davlat tilida taqdim etilishi 
kerak. Rasmiy veb-sayt axborotlari boshqa tillardagi versiyaga ega 
bo‘lishi mumkin.
Diniy mazmundagi materiallarni tayyorlash, olib 
kirish va tarqatish sohasidagi faoliyatni amalga oshirish 
tartibini takomillashtirish chora-tadbirlari to‘g‘risida. 
2014-yil 20-yanvar, 10-son
O‘zbekiston Respublikasi hududida diniy mazmundagi mate-
riallarni tayyorlash, olib kirish va tarqatish faoliyatini amalga 
oshirish tartibi to‘g‘risida NIZOM
3. O‘zbekiston Respublikasi hududida diniy mazmundagi mate-
riallarni tayyorlash, olib kirish va tarqatish faqat davlat dinshunoslik 
ekspertizasi o‘tkazilganidan keyin amalga oshiriladi.
Diniy mazmundagi materiallarda materiallarning to‘liq nomlani-
shi, mazmuni, muallifi, tayyorlovchisi, tayyorlangan sanasi va joyi, 
adadi va boshqa ma’lumotlar davlat tilida ko‘rsatilishi shart.
Import qilinadigan iste’mol tovarlarining ayrim turla-
rini markirovka qilish va bojxonada rasmiylashtirish tarti-
bini takomillashtirish to‘g‘risida. 2014-yil 5-fevral, 22-son
1. Ishlab chiqaruvchi korxonalar tomonidan davlat tilida 
markirovka qilinishi shart bo‘lgan import qilinadigan iste’mol tovar-
larining ayrim turlarini markirovka qilish va bojxonada rasmiylashti-
rish qoidalari 1-ilovaga muvofiq tasdiqlansin.
2. Belgilab qo‘yilsinki, iste’mol upakovkasiga (idishiga) ega 
bo‘lgan dori vositalarini (TIF TN bo‘yicha kodi 3004) import qilish 
davlat tilida majburiy markirovka qilingan holda amalga oshiriladi.

---

23
Import qilinadigan dori vositalarini markirovka qilish iste’mol 
upakovkasiga (idishiga) iste’molchi uchun davlat tilidagi axborot-
ni qistirma varaqa shaklida joylashtirish yo‘li bilan, upakovkasida 
qo‘shimcha markirovkasiz amalga oshiriladi. Ishlab chiqaruvchi 
korxona tomonidan qo‘yiladigan davlat tilidagi markirovkasi mav-
jud bo‘lmagan taqdirda import qilinayotgan dori vositalarini ular 
O‘zbekiston Respublikasi hududiga olib kirilgandan keyin, bojxona 
omborida saqlash vaqtida, guruhli upakovkaga davlat tilidagi qistir-
malarning tegishli birliklarini joylashtirish yo‘li bilan markirovka 
qilishga yo‘l qo‘yiladi.
Dori vositalari markirovkasining davlat tilidagi matni O‘zbekiston 
Respublikasi Sog‘liqni saqlash vazirligining Dori-darmonlar 
va 
tibbiy texnika sifatini nazorat qilish bosh boshqarmasi tomonidan 
tasdiqlanadi.
Ishlab chiqaruvchi korxonalar tomonidan davlat tilida 
markirovka qilinishi shart bo‘lgan import qilinadigan iste’mol 
tovarlarining ayrim turlarini markirovka qilish va bojxonada 
rasmiylashtirish QOIDALARI