Қадимги Русда ва собиқ Иттифоқда жисмоний маданият Режа

Екатерина давридаги ўзгаришлар
Россияга Екатерина II тахтга келгандан кейин Бадиий академия президенти вазифасини бажарувчи ва кадетлар командири этиб Бецкой И.И (1704-1795 йй) таклиф этилди. Шу билан бир вақтда Екатерина II таълим ва маориф ишлари бўйича ўзига маслахатчи этиб тайинлади. Бецкой И.И ёпиқ таълим муассасаларида табақалаштирилган тарбия ва таълим тартибга солиш бўйича лойихани илгари сурди.
Таълим-тарбия уйларини болалар тарк этмаслик учун хамма тарбияланувчилар учта ёш гурухларига ажратилди: 2 ёшдан – 7 ёшгача; 7 ёшдан – 11 ёш; 11 ёшдан 14 ёшгача. 2 ёшгача бола ота онасининг қарамоғи қўлида бўлган, кейин эса “умумий ғамхўрлик” га ўтказилган бўлиб, яъни унда ўйинлар ва мехнат машғулотлари билан тарбияланган.
Жисмоний тарбиянинг халқ шаклларидан бири бўлган казаклар катта ахамиятга эга. Уни, шак-шубхасиз жисмоний тарбия тизимининг асосий таркибий қисми деб айтиш мумкин: у тизимнинг асосини ташкил этади. Ушбу казакларнинг ғоявий тарбиявий асосий йўналиши ўзининг армиясига содиқлиги, ватанига бўлган мухаббатини тарбиялашга асосланган. Тизим белгиланган аниқ мақсадларга эга бўлиб, харбий ва мехнат фаолиятига тайёрлашдан иборат бўлган. Тизим хамма учун бир хилда бўлган: ахолининг ёш болалардан кекса ёшдагиларгача (қариларгача) қамраб олган. Казаклар орасида харбий-жисмоний машқлар мунтазам равишда ўйинларда, байрамларда, харбий юришларда жисмоний тайёргарликнинг турли шакл ва воситалари орқали намойиш этилган. Харбий-жисмоний машқларни ўрганиш методларидан фойдаланиш асосида амалий фаолиятга катта ахамият қаратган.
Россияда казаклар харбий табақа сифатида XIV асрда шакллана бошланди, улар чегара худудларида харбий хизматга ёлланган эркин одамлардан ташкил топган. Подшо хукумати казаклардан ўз чегараларини химоя қилиш ва урушларда фойдаланишга интилган. XVIII асрга келиб подшо хукумати казакларни ўзига бўйсиндириб, уларни имтиёзли харбий табақа синфига айлантирди. XX асрнинг бошларига келиб Россия империясида 11 та казак қўшинлари мавжуд бўлган: Дон, Кубан, Оренбург, Забайкал, Твер, Сибир, Урал, Астрахан, С