Адҳам ваисов

Экзема ( ГУШ)

Экзема – терининг невроаллергик, кучли қичиш билан кечадиган, чин полиморфизм билан ва асосий тошмаси ўткир яллиғланган терида, майда-майда пуфакчалар (қайнаб турган сувни эслатади) билан кечадиган қайталама сурункали касаллик.

Клиник кечишига кўра экзема ўткир, ўртача ўткир ва сурункали экзема; патогенетик хусусияти, клиник кўриниши ва этиологик омилларига кўра – чин, микробли, себореялик, профессионал ва болалар экземаси турларига бўлинади.


Клиник куриниши:
Чин экзема (Exema acutum) -- Чин экзема, ўткир экзема бирданига бошланиб, терининг қаттиқ қичиши ва ўткир яллиғланиш белгилари бўлмиш терининг қизариши, шишиши ва кўплаб пуфакчалар пайдо бўлиши билан кечади.
Микробли экзема (паратравматик, варикоз, нуммуляр) -- Микробли экземада юқорида келтирилган чин экземага хос тошмалар бўлиши ҳам мумкин, аммо кўпроқ йирингчалар кўзга ташланиб, теридаги яллиғланган ўчоқлар чегараси аниқ бўлиб, ассиметрик жойлашади.
Касбга алоқадор (профессионал) экзема -- Касбга алоқадор экзема, асосан, тана терисининг очиқ қисмларида жойлашади ва касалликнинг бошланишига, авж олиб, қайтарилиб туришига беморнинг иш жойидаги ишлаб чиқаришдаги аллерген­ларнинг узоқ таъсири оқибатида, сенсибилизация ривожланиши сабаб бўлади.
Себореяли экзема (Exema seborrhoicum) -- Себореяли экзема – кўпроқ бошнинг сочли қисми, қулоқ атрофи, юз, қўлтиқ ости, кўкрак ва бошқа ёғ ажраб турувчи безларни кўп жойлашган тери қисмларида ривожланади.
Болалар экземаси -- Болалар экземаси кўпроқ экксудатив диатезга мос ўзгаришлар билан бошланиб, асосан, ёш оналар ўзи парҳезни бузиб, боланинг эмизиши, кейин болани қўшимча овқатлантиришдаги хатолари бу касалликни ривожлантиради ва қўзғайди.
Давоси.

1. 
   Касалликни юзага келтирувчи аллергенларни бартараф этиш;
   
2. 
   Аллергенсиз, кам тузлик, ва кам суюқлик парҳез;
   
3. 
   ГКС сакловчи малхамлар.
   

3. Яллиғланишга қарши даво (антигистамин ва десенсибилизацияловчи препаратлар)
4. Транквилизатор ва седатив препаратлар.
5. Ички аъзолардаги касалликларни аниқлаб, уларни даволаш.