Adabiyotshunoslik tarixi

«ADABIYoTShUNOSLIK TARIXI» fani bo‘yicha
ta’lim texnologiyasining
kontseptual asoslari




«ADABIYoTShUNOSLIK TARIXI» fanining
dolzarbligi va o‘qitish strukturasi

Milliy istiqlol tufayli mamlakatimizda qabul qilingan “Kadrlar tayyorlash Milliy dasturi” asosida magistratura ta’limida talabalarga fanning fundamental asoslari va tarixiy taraqqiyotini o‘rgatish alohida o‘rin tutadi.

O’qitishning maqsad va vazifalari

“Adabiyotshunoslik tarixi” fanining tarixini o‘qitishdan maqsad jahon estetik tafakkuri va adabiyotshunosligi erishgan yutuqlarni zamon talablari nuqtai nazaridan o‘rganishdan iborat. Ushbu fanning maqsad va vazifalari quyidagilardan iborat bo‘ldi:

- jahon adabiyotshunosligi tarixi manbalarini global ko‘lamda ekanini tasavvur qilish;
- adabiy-nazariy tafakkur taraqqiyotidagi davriy bosqichlar mohiyatini aniqlash;
- Sharq va G’arb tafakkurlararo mushtarak va farqli jihatlarga tipologik yondashish;
- qadimgi davrda yaratilgan (Shumer, Yunon, Rim, Xitoy, Hindiston va Markaziy Osiyoda yaratilgan adabiyotshunoslikk oid asarlarni o‘rganish;
- Uyg‘onish davri adabiyotshunosligining jahon adabiy-nazariy tafakkuri tarixidagi o‘rnini belgilash;
- Adabiyotshunoslik taraqqiyotiga xizmat qilgan adabiy oqimlarning adabiy tafakkur tarixidagi o‘rnini belgilash;
- XX asr yangi davr adabiyotshunosligining vujudga kelishida omil bo‘lgan nazariya va kontseptsiyalarning adabiyot tarixidagi o‘rnini belgilashdag iborat.


O’quv rejasidagi boshqa fanlar bilan aloqasi

“Adabiyotshunoslik tarixi” fani Adabiyot nazariyasi, matnshunoslik, manbashunoslik, jahon va milliy adabiyotlar tarixi kabi fanlar bilan uzviy bog‘langan. Mazkur fan adabiyotshunoslik tizimida nisbatan yangi fan bo‘lib, 1998 yildan Oliy ta’lim tizimiga «Adabiyotshunoslik» mutaxassisligi uchun magistratura ta’limini oluvchilarga mo‘ljallangan. Garchi ushbu fan adabiy-nazariy fanlar tizimida mavjud bo‘lsa ham u «Adabiyotshunoslikka kirish», «Adabiyot nazariyasi» kabi fanlarni mutlaqo takrorlamaydi. Aksincha, bu fanlar erishgan yutuqlar asosida adabiyotshunoslik tarixi tahlili bilan shug‘ullanuvchi soha hisoblanadi.