Adabiyotshunoslik kafedrasi

ANTOLOGIYA- gr. – guldasta. Bir necha shoir va yozuvchilarning tanlangan asarlari to‘plami. Birinchi marta antologiya tuzgan kishi qadimgi grek shoiri meleagr (er. Av. 2 asr oxiri, 1 asr boshi) bo‘ladi.

QAHRAMONLIK QO‘SHIQLARI – xalqnig yoki biror shaxsning o‘z ozodligi, erki va mustaqilligi uchun olib borgan mardonovor kurashi haqidagi qo‘shiqlar.

BOLALAR FOLKLORI – xalq ijodining bolalarga atalgan va bolalar tomonidan ijro etiladigan bir qismi.

DILOGIYA – gr.ikki so‘z. Bir xil mazmun, tugal syujet, ishtirok etuvchilar bilan bog‘langan ikki mustaqil asar.

MASAL JANRI – epik turga mansub, ko‘proq, majoziy personajlar ishtirokida ta’limiy yoki keskin fosh etish xarakterida voqelikni aks ettiruvchi kichik hikoyalar turkumi.

JIR – qozoq, qoraqalpoq, qirg‘iz, tatar va boshqird xalq ijodida keng talqalgan yetti, sakkiz hijoli she’r shakli. Jir odatda, qubuz yoki do‘mbira vositasida kuylanadi. Ayrim ilmiy adabiyotlarda jirlar oltilik, beshlik band tuzilishidan iborat deb ko‘rsatilsa-da, biroq ular aniq belgilangan band tuzulishiga ega emas.

JIROV – qozoq, qirg‘iz va qoraqalpoq xalqlari orasida katta epik asarlarni aytuvchi baxshilar shu nom bilan yuritiladi.