Adabiyotshunoslik kafedrasi

«RUSTAM» dostoni. Rustam devlarni shaharlari yonigacha quvib boradi, ko‘p devlar halok bo‘ladi, qolganlari shahar eshigini berkitib oladi. Yolgiz Rustamdan mag‘lub bo‘lgan devlar g‘azablanib, unga qarshi jangni davom ettirmoqchi bo‘ladilar. It, ilon, cho‘chqa, fil, tulkilarni minib yo‘lga chiqadilar. Rustam uyquda, uning oti – Raxsh o‘tlamoqda edi. Uzoqdan devlarni ko‘rgan ot Rustamni uyg‘otadi. Rustam devlarni yaqin keltirish uchun qochadi. Devlar uni tirik tutmoqchi bo‘lib, quvadilar. Yaqinlashib qolgan devlarga Rustam to‘satdan hujum qilib, ko‘pini qirib tashlaydi. Devlarning bir qismi qochadi, lekin yaralanadi.

ABAY SHE’RI – Abay Qo‘nanboyev tomonidan xalq she’riyatining poetik ritmik imkoniyatlardan foydalanib yaratilgan va o‘ziga xos qofiyalanish sistemasiga ega bo‘lgan, har bandi sakkiz misradan tashkil topgan she’r shakli. Bunday she’riy shakl qozoq adabiyotiga Abay tomonidan kiritilgani sababli Abay she’ri deb ataladi.
OQIN – qozoqlarda xalq shoiri oqin deb yuritiladi. Oqinlar o‘z asarlarini og‘zaki yaratib, do‘mbira chalib ijro etadilar. Ular “Alpamis”, “Qiz Jibek”, “Go‘ro‘g‘li” kabi xalq dostonlarini do‘mbira jo‘rligida xalq ichida kuylab yuradilar. Oqinlar tarixiy, zamonaviy mavzularda termalar ham yaratadilar.