Adabiyot 10 oxirgi 2-qism indd

TO‘RTINCHI FASL
IX
... Bo‘lgandi ilk yoshlik zamoni
U shiddatli xato-yu qizg‘in
Va betizgin hislar qurboni.
Hayot tarzi erkalab faqat,
U biriga maftun muvaqqat,
Boshqasidan uzadi koʻngul,
Istaklardan bezadi soʻng ul;
Yengil zafar toldirdi tag‘in,
Tinglab shovqin va jimlik aro
O‘z qalbidan mangu bir nido,
Kulgu bilan bosur esnog‘in:
Umrining gul faslidan fuzun
Sakkiz yili so‘ldi shu yo‘sin.
XI
Biroq olgach Tatyana xatin
Bir o‘t tushdi yigit joniga.
Ma’sum orzularning suhbati
O‘ylar qo‘shdi hayajoniga.
Ma’yusgina, so‘lg‘in, parishon
Tatyanani esladi shu on.
Bir shirin o‘y, pokiza xayol
Yuragini chulg‘adi darhol.
O‘tgan hislar o‘ti – balosi
Balki, bir zum qo‘zg‘oldi shu chog‘;
Istamadi aldashni biroq
Bokira qalb ishonch, ixlosin.
Endi bizlar uchaylik bog‘ga –
Qiz u bilan ko‘rishgan yoqqa.
XII
Avval biroz turdilar kutib,
Yaqin kelib Onegin shunda
Shivirladi: “Yozibsiz maktub,
Tonmangiz, men o‘qidim unda
Soddagina dil izhorini,
Pokiza bir sevgi zorini.
Samimiyat – men uchun aziz,
Bu his qo‘zg‘ab qo‘ydi, shubhasiz,
Soʻnib ketgan tuyg‘ularimni.
Ammo sizni maqtamay ortiq,
Sizga shundoq etaman tortiq
Men ham dilda yo‘g‘-u borimni;
Qabul eting iqror so‘zimni:
Hukmingizga berdim o‘zimni.
XIII
Men hayotni faqat dunyoda
Uy ichi deb bilsaydim agar,
Xush qismatim er yoki ota
Baxtin hukm qilsaydi agar,
Oilaviy turmushga o‘zim
Mehr qo‘ysam, hech yo‘qsa, bir zum,
Izlamasdim unda, haqiqat,
Sizdan bo‘lak biron rafi qa.
Aytay madh-u sanolarsiz rost:
Bo‘lsaydi ilk xayol-u havas, 
Jami go‘zalliklarga evaz –
Faqat sizni tanlardim, xolos. ... 
?

---

73