Abituriyentler ushın Qaraqalpaq tili páninen qollanba quwat Jarekeev Tildiń jámiyetlik xızmeti

Is qaǵazlarınıń úlgileri

Maǵlıwmatnama Muratov Ilxam kiriw imtixanlarına tapsırıp Nókis pedogogikalıq kolledjiniń dene tátbiyası bóliminiń 1-kursına qabıl alındı. Maǵlıwmatnama onıń jumıs ornına kórsetiw ushın berildi Kadrlar bóliminiń baslıǵı (qolı) Zayırov.S

Minezleme
Murat Qudaybergenov 1993-jılı Nókis qalasında tuwılǵan, mileti qaraqalpaq. Ol 2009-jılı Nókis qalasındaǵı №5 meketpti pitkerip, Nókis sport kolledjine oqıwǵa kirdi. Mektepte oqıp júrgen waqtında-aq ol sporttıń gúres túrine qızıǵatuǵın edi. Ózbekstan hám Qaraqalpaqstan Respublikasında gúrse boyınsha ótkerilgen jarıslarǵa qatnasıp 1-2-orınlardı iyelep kiyatır. Treneri basshılıǵında gúres sırların tınımsız úyrenip atır. Kolledjdegi jámiyetlik jumıslarǵa da belsene qatnasadı.
Ol kishipeyil, talapshań, óz ústinde tınımsız isleydi. Dosları onı húrmet etedi.
Minezleme Ózbekstan jaslar awqamı Nókis qalalıq Keńesine keńesine tapsırıw ushın berildi.

Kolledj direktorı: (qolı) Asanov U.

Xatkeri: (qolı) Bazarbaev I.


Isenim xat
Men Nókis qalası Nawayı kóshesi №30 jayda jasawshı Ospanov Polat qalalıq baylanıs bólimine meniń atıma kelgen 2000000 swm aqshanı baymuratov Islamnıń alıwına isenim bildiremen.
(qolı) Ospanov P.


Til xat
Men Kórkem óner kolledjiniń xojalıq isleri boyınsha baslıǵı Saparov Polat “Aygúl” jeke mesnshik dúkanınan shártnama tiykarında bahası 500000 (bes júz mıń) swmlıq muzika asbapların satıp aldım.
20.V.2009. (qolı) Saparov P.


Túsinik xat
Men 2008-jıldıń 20-apreline shekemgi dáwirde anamnıń biytap bolıp qalıwı sebepli sabaqqa qatnasa almadım
20.IV.2008 (qolı) Erjanova A.
Shomanay awıl xojalıq kolledjiniń buxgalteriyalıq esap 1-kurs oqıwshılarınıń topar májilisiniń
Protokolı №2
10-sentyabr 2019-jıl Nókis qalası
Qatnasqanlar: 20 oqıwshı, topar kuratorı
Kún tártibinde:

1. 
   1-kurs oqıwshılarınıń kolledjdegi oqıw tárbiya jumısları boyınsha wazıypaları.
   
2. 
   Oqıwshılardı jataq jay menen támiyinlew máselesi.
   

Bayanatshı topar kuratorı Mámbetov B.
Tıńlandı:
B.Mámbetov 1-kurs oqıwshılarınıń kolledjge qabıl etiwi menen qutlıqlap, olardıń kásip iyelewdegi wazıypalarına keń túrde toqtap ótti. (Bayanat qosıp tigiledi)
Ekinshi másele boyınsha kolledjdiń tárbiya isleri boyınsha direktor orınbasarı Jamalov shıǵıp sóyledi. (Sóziniń qısqasha mazmunı jazıladı)
Shıǵıp sóylewshiler: (sóziniń qısqasha mazmunı hám sorawı bayan etiledi)
Qarar:
1. Topar kuratorı B.Mámbetovtıń bayanatı maǵlıwmat ornında qabıl etilsin.
2. Oqıwshılardıń alıs rayonlardan kelgenleri kolledjdiń jataq jaylarına qabıl etilsin.
Topar koratorı: (qolı) Mámbetov B.
Xatker: (qolı) Mamutova G.

Nókis pedogogikalıq kolledjiniń direktorı Q.Sultanovqa baslawısh tálim qánigeligi 1-kurs oqıwshısı G.Allambergenovadan

Arza
Sizden rayonnan kelgenimdi esaqpqa alıp pedagogikalıq kolledjiniń jataqxanasınan orın ajıratıp beriwińizdi soranaman.
2009-jıl 28-avgust (qolı) Allambergenova G.

Maǵlıwmatnama
Joldas Allambergen ulı Perdebay 1985-jılı jawza ayınıń 10-sánesinde taxtakópir rayonınıń orayında jumısshı shańaraǵında tuwıldı.
Maǵlıwmatnama passport alıw ushın berildi.
Makan keńesiniń baslıǵı: (qolı) A.Sátbay ulı
Xatkeri: (qolı) K.Nurman ulı


Telegramma
Tashkent, Nawayı kóshesi, №6 jay, Raximov Abatqa
Sizdi tuwılǵan kúnińiz benen qutlıqlayman, ózińizge bekkem densawlıq, oqıwıńızda úlken tabıslar tileymen. (atı familyası)