Фармацевтик ўзаро таъсири:
Абилот эритмасини аминогликозидлар гуруҳи антибиотиклари билан бир шприцда, қон маҳсулотлари ёки оқсил гидролизатлари билан аралаштриш мумкин эмас.
Ҳомиладорлик ва лактация даври:
Ҳомиладорликда препаратни эҳтиёткорлик билан буюриш керак. Лактация даврида буюриш зарурати туғилганда эмизишни тўхтатиш тўғрисидаги масалани хал этиш керак.
Махсус кўрсатмалар:
Пенициллинлар билан даволаниш вақтида оғир (баъзида – ўлим билан якунланган) анафилактик реакциялар таърифланган. Бундай реакциялар кўпроқ анамнезда аллергологик асоратлар бўлган, айниқса, пенициллинларга юқори сезувчанлиги бўлган шахсларда ривожланади. Шунингдек анамнезида пенициллинларга ўта юқори сезувчанлик реакциялари кузатилган беморларда цефалоспорин антибиотиклари билан даволанганда кесишган аллергия ҳолатлари хам таърифланган.
Аллергик реакциялар юз берган ҳолларда препаратни бекор қилиш ва тегишли даволашни буюриш керак.
Оғир анафилактик реакциялар зудлик билан эпинефринни юборишни талаб этади. Зарурат туғилганида оксигенотерапия, вена ичига ГКС ни юбориш буюрилади, шунингдек нафас йўлларининг ўтказувчанлигини сақлашга қаратилган чоралар, шу жумладан трахея интубацияси ўтказилади.
Замбуруғлар ёки резистент бактериялар томонидан чақирилган суперинфекция ривожланган ҳолларда препарат бекор қилинади ва тегишли даволаш буюрилади.
Узоқ муддатли даволашда ички аъзолар, шу жумладан, буйрак, жигар ва қон яратиш аъзолари фаолияти кўрсаткичларини вақти-вақти билан назорат қилиш тавсия этилади. бу айниқса болаларда, шу жумладан янги туғилган чақалоқларда (энг аввало чала туғилган болаларда) муҳимдир. Препаратни инфекцион мононуклеози бўлган беморларда қўллаш мумкин эмас. Бундан ташқари, инфекцион мононуклеози бўлган беморларга ампициллинни буюрилиши терида тошма пайдо бўлиш хавфини оширади.
Экспериментда ампициллин/сульбактамнинг фертилликка салбий таъсири ёки эмбриотоксик таъсири аниқланмаган, шундай бўлса-да, препаратни ҳомиладорлик ва эмизиш даврида қўллаш хавфсизлиги аниқланмаган.
Ампициллинни ҳомиладор аёлларга буюрилган ҳолларда қон плазмасида конъюгацияланган эстриолнинг, эстриолглюкурониднинг, конъюгацияланган эстрон ва эстрадиолнинг даражасини ўткинчи пасайиши кузатилган. Худди шундай самаралар Абилот қўлланганда хам юз бериши мумкин.
Сийдикда гюкоза миқдорини аниқлашнинг нофермент (Бенедикт, Фелинг реактиви ва Клинитест тўплами ёрдамида) усуллари сохта мусбат натижани бериши мумкин.
Сульбактам йўлдош тўсиғи орқали ўтади.
Do'stlaringiz bilan baham: |