Абилот вақт синовидан ўтган самарали

Болаларда қўлланилиши:
Болаларда, шу жумладан янги туғилган чақалоқларда кўпчилик инфекцияларни даволаш учун Абилотнинг дозаси м/и ва в/и юбориш учун тана вазнига суткада 150 мг/кг ни ташкил қилади (бу 100 мг/кг ампициллин ва 50 мг/кг сульбактамга мувофиқ келади). Препарат, одатда, ҳар 6-8 соатда юборилади.
Бир ҳафталиккача бўлган янги туғилган чақалоқларга (айниқса чала туғилган болаларга) препарат, одатда, 12 соатлик интервал билан суткада 75 мг/кг дозада буюрилади.
Буйрак фаолиятининг бузилиши бўлган беморларда қўлланилиши
Оғир буйрак етишмовчилиги (креатинин клиренси <30 мл/минут) бўлган беморларда сульбактам ва ампициллинни чиқарилиши бир хил даражаларда пасаяди, шунинг учун уларнинг қон плазмасидаги нисбати ўзгармайди. Бундай беморларга препаратни камроқ юборилиш керак.
Ножўя таъсирлари:
Овқат ҳазм қилиш тизими томонидан: кўнгил айниши, қусиш, анорексия, жигар трансаминазаларининг фаоллигининг ошиши; кам ҳолларда – сохта мембраноз колит.
Марказий асаб тизими (МНТ) томонидан: уйқучанлик, лоҳаслик, бош оғриғи.
Қон яратиш аъзолари томонидан: камқонлик, лейкопения, тромбоцитопения.
Аллергик реакциялар: эшакеми, тери қопламаларини гиперемияси, Квинке шиши, ринит, конъюнктивит, иситма, артралгия, эозинофилия; кам ҳолларда– анафилактик шок.
Лаборатор кўрсаткичлар томонидан: азотемия, мочевина миқдорини ошиши, гиперкреатининемия.
Маҳаллий реакциялар: м/и юборилганида – юборилган жойда оғриқ; в/и юборилганда – флебит.
Бошқалари: узоқ муддат даволашда - препаратга чидамли микроорганизмлар томонидан чақирилган суперинфекция, кандидоз.
Қўллаш мумкин бўлмаган ҳолатлар:
- препаратнинг компонентларига ва пенициллин гуруҳининг бошқа антибиотикларга юқори сезувчанлик;
- инфекцион мононуклеоз;
- лактация (эмизиш) даврида қўллаш мумкин эмас.
Жигар ва/ёки буйрак етишмовчилигида, ҳомиладорликда эҳтиёткорлик билан буюриш керак.
Дориларнинг ўзаро таъсири:
Ампициллинни аминогликозидлар билан бир шприцда аралаштириш воситаларни ўзаро фаолсизланишига олиб келади; бу препаратларни бир вақтда қўллаш зарурати туғилганда уларни турли соҳаларга 1 соатлик интервал билан юбориш керак.
Парентерал юбориладиган пенициллинлар тромбоцитлар агрегациясини сусайтириши ва коагуляция кўрсаткичларини пасайтириши мумкин. Бу самараларнинг яққоллиги антикоагулянтлар бир вақтда қўлланганда ошиши мумкин.
Пробенецид ампициллин ва сульбактамнинг найчалар секрециясини пасайтиради, натижада плазмада уларнинг концентрацияси ошади, ярим чиқарилиш даври узаяди, бунинг оқибатида интоксикациянинг ривожланиш хавфи ошади.
Аллопуринол ва ампициллин бир вақтда қўлланганида тери тошмасининг пайдо бўлиш хавфи ошади. Ампициллинни бир вақтда қабул қилиш эстроган сақловчи орал контрацептив восталарнинг самарадорлигини пасайтиради, бу режалаштирилмаган ҳомиладорликка олиб келади. Бактериостатик таъсирга эга препаратлар (хлорамфеникол, эритромицин, сульфаниламидлар, тетрациклинлар) пенициллинларнинг бактерицид таъсирига салбий таъсир кўрсатиши мумкин.
Ҳомиладор аёлларда ампициллинни қўллаш плазмадаги оқсил билан боғланган эстриол, эстриол-глюкурониднинг, оқсиллар билан боғланган эстрон, шунингдек эстрадиолнинг концентрациясининг вақтинчалик пасайишига олиб келади.
Метотрексатни пенициллинлар билан бир вақтда қўлланилиши метотрексатни клиренсининг пасайишига ва унинг токсик самараларини ривожланишига олиб келган. Препаратларнинг бундай мажмуасини қабул қилаётган пациентлар кузатув остида бўлишлари лозим. Лейковориннинг дозасини ошириш ва уни қўллаш давомийлигини ошириш зарурати туғилиши мумкин.