Abduvohidov S. N., Ganiyev Z. A. Geografiya ta’limi metodikasi

3.5 Yaponiyada geografiya ta’limi jarayoni 
Kunchiqar  mamlakati  hisoblangan  Yaponiyada  ta’limining  shakllanishi 
1867-1868  yillardan  boshlangan  bo‘lib,  u  o‘z  oldiga  ikki  vazifani:  birinchisi  – 
boyish,  ikkinchisi  –  xorij  texnologiyasini  Yaponiya  ishlab  chiqarishiga  kiritish 
masalasiin  qo‘yadi.  Bu  ishni  amalga  oshirish  uchun  birinchi  navbatda  ta’lim 
tizimini  tubdan  isloh  qilishga  kirishiladi.  Shu  maqsadda  1872-yilida  «Ta’lim 
haqida»gi qonun qabul qilinadi. Unda yapon ta’lim tizimi xorij mamlakatlari ta’lim 
tizimi  bilan  uyg‘unlashtiriladi.  1908-yildan  boshlab  Yaponiyada  boshlang‘ich 
ta’lim  majburiy  6  yillikka  aylantiriladi.  1946-yilda  qabul  qilingan  Yaponiya 
Konstitutsiyasi  fuqarolarning  ta’lim  sohasidagi  huquq  va  burchlarini  belgilab 
bergan  bo‘lib,  unda  barcha  bolalar  bepul  umumiy  ta’lim  olishlari  belgilab 
qo‘yilgan. Yaponiyaning hozirgi zamon ta’lim tizimi tarkibi quyidagicha: bolalar 
bog‘chasi,  boshlang‘ich  maktab,  kichik  o‘rta  maktab,  yuqori  o‘rta  maktab,  oliy 
ta’limdan iborat.