Abdunazarova Mariya Farxodovna tasavvuf antropologiyasi va uning o’ziga xos jihatlari

Tadqiqotda qo’llanilgan metodikaning tavsifi. Magistrlik dissertatsiya ishimda o'rganilayotgan hodisalarning xususiyatlarini yaxlit asoslash imkonini beruvchi tahlilning umumiy nazariy usullari, ularning xususiylik bilan bog'liq xususiyatlari va qarama-qarshi munosabatlarni o'rganish orqali voqea- hodisalarga dialektik yondashuv, ob’ektivlik, tarixiylik va mantiqiylik, analiz va sintez, milliylik va umuminsoniylik kabi ilmiy-falsafiy tamoyillardan foydalanilgan. Ushbu usullar abstraksiya, predmetni tarkibiy qismlarga analitik qismlarga ajratish elementlar, uning sifatlarini, ichki mazmunini ochib beruvchi, shu bilan birga dissertatsiya tadqiqotida qiyosiy metoddan foydalanildi va uning yordamida dissertatsiya ishining o'ziga xos xususiyatlarni aniqlashga harakat qilindi. Shuningdek, Prezident SH.M.Mirziyoyev asarlari, xalqaro va respublika ilmiy-amaliy anjumanlarida, o’zbekistonlik hamda xorijlik olimlarning tadqiqotlarida ilgari surilgan ilmiy xulosalardan ham nazariy jihatdan foydalanildi.
Tadqiqot natijalarining nazariy va amaliy ahamiyati. Tasavvuf antropologiyasi va tasavvufiy maktablar ta’limotlari xilma-xil bo’lib, ularni o’rganish oddiy o’quvchida uni yaxlit ta’lomot sifatida tasavvur qilishga qiyinchilik tug’diradi, uning mazmun-mohiyatini tushunmasligi mumkin. Chunki tasavvufiy manbalarni o’qish va tahlil etilishida birmuncha istilohiy atamalarga duch kelishi tabiiy.Shuning uchun tasavvuf antropologiyasining o’zigaxos jihatlarini tushuntirish uchun mazkur tadqiqot mavzusining nazariy va germenevtik tahlili muhim ahamiyatga egadir. Ishning ilmiy xulosalar, yangiliklar Oliy o’quv yurtlarida ijtimoiy fanlarni o’qitishda, mamlakatimizda unib- ulg’ayib kelayotgan avlodda sog’lom turmush tarzini shakllantirishda, ularni tarbiyalashda, tasavvuf falsafasida “ komil inson” g’oyasining nechog’lik qadrlanganligini ko’rsatib berish hamda amaliy foydalanishda ko’mak berishi mumkin.
Ish tuzilmasining tavsifi. Dissertatsiya ishi kirish, uch bob, oltita bo’lim, xulosa va foydalanilgan adabiyotlar ro’yxatidan iborat. Tadqiqot ishining umumiy hajmi 100 sahifadan iborat.