Abdunazarova Mariya Farxodovna tasavvuf antropologiyasi va uning o’ziga xos jihatlari

Tadqiqot ob’ekti va predmeti. Tasavvuf antropologiyasining Islom dini ta’limoti rivojidagi o’rni, falsafa va tasavvufda inson masalasi, barkamol avlodni tarbiyalashda yurtimizda yetishib chiqqan mutasavvufchilarning inson mohiyati haqidagi tasavvufiy qarashlarini o’rganish va jamiyat ma’naviyatidagi rolini ochib berishdan iborat.
Tadqiqot maqsadi va vazifalari. Tasavvufning shakllanish jarayoni, tasavvuf antropologiyasining tushunchasi va mazmun-mohiyati, inson antropologiyasi haqida nazariy qarashlari, tasavvuf ntropologiyasining Islom dini ta’limoti asosida taraqqiy etish jihatlari, ajdodlarimiz ijodiy merosni tahlil qilish asosida islom falsafiy antropologiyasining ahamiyatini ochib berish, shuningdek, zamonaviy insonni tarbiyalashda muloqot zanjirini o'rnatishdan iboratdir.
Tadqiqot vazifalari sifatida quyidagilarni ko’rsatish mumkin:

• 
  avvalo, “tasavvuf”, “antropologiya”, “tasavvuf falsafasi”, “islom antropologiyasi”, “mutasavvuf” kabi tushunchalarga ta’rif berish, uning mazmun-mohiyatini ochib berish, tasavvuf ahli qarashlarini o’rganish, ularning allomalarimiz asarlarida Islom dini va tasavvuf ilmida inson mohiyatini o’rganishdagi ahamiyatini aniqlash;
  
• 
  antropologik ta'limotlarning shakllanishida fors adabiyotining ta’sirini ochib berish;
  
• 
  insonda biologik va ijtimoiy munosabatlarni o'rganish uchun individual va ijtimoiy, jismoniy va ma'naviy elita madaniyati va axloqini shakllantirish;
  
• 
  jamiyatda insonni tashqi dunyo va tabiat bilan aloqasi tizimida ko'rsatish;
  
• 
  mutafakkirlar falsafasida “komil inson”ni shakllantirishning shaxs va jamiyat o‘rtasidagi o‘zaro bog‘liqligini ochib berish;
  
• 
  insonning hayotga, o'limga va o'lmaslikka munosabatini ochib berish;
  
• 
  tasavvuf ta’limotining hozirgi zamon antropologik tadqiqotlar uchun ahamiyatini aniqlash;
  
• 
  O’rta Osiyoda vujudga kelgan tasavvuf antropologiyasi va ularning ushbu mintaqada Islom dini rivojiga qo’shgan hissasini ko’rsatib berish;
  
• 
  tasavvuf antropologiyasini o’rganishning bugungi kundagi ilm-fandagi qiziqish, sog’lom turmush tarzini shakllantirish va axloqiy sifatlarga ega barkamol avlodni tarbiyalashdagi ahamiyatini tavsiflash;