Абдумутал қамбаров илмий тадқИҚот методологияси

4-шакл. Фундаментал тадқиқот учун Иш дастури
(тадқиқот лойиҳасининг мазмуни)
4.1. “Ўзбекистоннинг барарор стратегик тараққиётни ривожлантириш ва ёшларнинг маънавий-ахлоқий маданиятини шакллантиришда “Ал-Жомеъ ас-саҳиҳ” тўплами ҳадисларидан оқилона фойдаланиш”.
4.2. Жамиятни маънавий-ахлоқий ва маданий ривожланишини “Ал-Жомеъ ас-саҳиҳ” тўплами ҳадислари, маънавий ва диний қадриятлар, дунёвий қадриятлар, ҳадис илмини, маданий мерос, халқ оғзаки ижоди, миллатлараро тотувлик ва диний бағрикенгликни таъминлашда ҳадис илмини ривожлантириш ҳамда таълимнинг узвийлик ва узлуксизлигини, ёшларнинг маънавий-ахлоқий тарбиясини амалий тадқиқ этишда ҳадисларнинг замонавий талқини асосида амалга ошириш.
Бугунги кунда мамлакатимиз ёшларининг маънавий-ахлоқий ва диний тарбияси масалаларига жаддий эътибор қаратиш зарурлигини тақазо этмоқда. Айниқса ахборот очиқлиги шароитида жамиятимизга “оммавий маданият” ёпирилиб кириб келаётган ва бозор иқтисодиётига ўтиш амалга ошаётган шароитида бу ишларга анча жиддийроқ бўлиш лозимлигини кўрсатади. Эзгу туйғуларсиз ва ахлоқий мезонларсиз қуруқ мантиққа асосланган тафаккур нафақат киши ички қиёфасининг тўкислигига, инсонийлигига, балки унинг билим савиясига ҳам салбий таъсир этиб, уни агрессив зомбига айлантириб қўйиши ҳеч гап эмас.
Ҳаммамизга маълумки, яхши тарбияланган баркамол шахс инсонларга, оиласига, жамиятга ва давлатга фойдаси тегиши мумкин. Яхши ўқиган ва билими кучли ўқувчи ёшларнинг тарбияси ёмон бўлса, у атрофдагиларга ёмон ўқиган ўқувчига нисбатан бир неча чандон зарари тегиши муқаррар. Зеро унинг ҳар бир салбий хатти-ҳаракати қасддан қилинган ва жуда мукаммал таёрланган бўлади. Шунинг учун ҳам маънавий баркамол ёшларни тарбиялаш ва уларни ўқитишда маънавий қадриятлар, диний қадриятлар, дунёвий қадриятлар, маданий мерос, халқ оғзаки ижоди, миллатлараро тотувлик ва диний бағрикенгликни таъминлашда “Ал-Жомеъ ас-саҳиҳ” тўплами ҳадисларидан оқилона фойдаланиш давлатимизнинг асосий фаолият йўналишидандир.
Жумладан, хозирги кунда ёшларнинг маънавий-ахлоқий маданиятини шакллантиришда “Ал-Жомеъ ас-саҳиҳ” тўплами ҳадисларидан оқилона фойдаланиш усулларини аниқлаш учун талай ишлар амалга оширилаётган бўлсада, ёшларнинг миллий қадриятлар асосида маънавий-ахлоқий тарбиялашга жойларда етарли даражада эътибор бериляпти деб бўлмайди. Уларни мамлакатимизнинг фидойи ёшлари этиб тарбиялаш ҳамда замонавий баркамол шахс бўлиб камол топишлари учун уларнинг маънавий-ахлоқий тарбиясини миллий ва диний қадриятлар асосида шакллантиришда маънавий-ахлоқий мероснинг амалий усуллари бўлган “Ал-Жомеъ ас-саҳиҳ” тўплами ҳадисларини таълим тизимига янгилик сифатида олиб кириш зарурлигини кўрсатади.
Бундай жараённи шакллантиришда маънавий-ахлоқий мероснинг ва диний қадриятларнинг ҳам ўзига хос ўрни борлигини алоҳида таъкидлаш ўринли деб ўйлаймиз. Лойиҳа Фарғона давлат университети ва Фарғона вилояти ҳузуридаги диний ишлар бўлими ҳамкорлигида амалга оширилади.