Абдуллаева Шохида Наркуловна Сопоставительное исследование

Диссертация мавзусининг диссертация бажарилаётган Олий таълим 
муассасасининг илмий-тадқиқот ишлари билан боғлиқлиги. Диссертация 
тадқиқоти Ўзбекистон давлат жаҳон тиллари университетининг истиқболли 
илмий-тадқиқот ишлари режасининг «Тилшуносликнинг долзарб муаммолари» 
мавзусидаги ишлар билан боғлиқ равишда бажарилган. 
Тадқиқотнинг мақсади инглиз, ўзбек ва рус тилларидаги ғазначилик 
соҳасида қўлланиладиган молия-иқтисод терминларининг лингвистик 
хусусиятлари (ўхшаш ва фарқли жиҳатлари)ни очиб бериш ҳамда 
терминларнинг ясалиш (ҳосил бўлиш) йўлларини аниқлашдан иборат.
Тадқиқотнинг вазифалари: 
терминологиянинг замонавий тилшуносликда асосий назарий қоидаларини 
тизимлаштирган ҳолда термин, терминлар тизими ва терминосфера 
тушунчаларининг лисоний хусусиятларини асослаш; 
инглиз, ўзбек ва рус тилларида ғазначилик соҳасида қўлланиладиган 
молиявий-иқтисодий терминларни аниқлаш, уларнинг ушбу соҳага хосланиш 
хусусиятларини очиб бериш;
инглиз тилида сўзлашувчи мамлакатлар, шунингдек, Россия Федерацияси 
ва Ўзбекистонда ғазначиликнинг давлат молиявий органи сифатида ташкил 
топиши ҳамда ривожланиши билан боғлиқ тарихий жараёнларни, уларнинг 
ғазначилик терминлари қўлланилишига таъсир қилиш омилларини таҳлил 
қилиш;
тадқиқ 
қилинаётган 
тиллардаги 
ғазначилик 
терминлар 
тизими 
шаклланишида интертерминларнинг роли ва ўрнини, пайдо бўлиш ва қўлланиш 
шарт-шароитларини ёритиш; 
инглиз, ўзбек ва рус тилларида ғазначилик соҳасида қўлланиладиган 
молиявий-иқтисодий терминларнинг устувор деривацион моделларини 
(аффиксал, морфемик-морфологик, лексик-семантик, синтактик) аниқлаш ва 
ишлаб чиқиш, ўзига хос хусусиятларини чоғиштирма тадқиқ қилиш; 
инглиз, ўзбек ва рус тилларида қўлланиладиган ғазначилик терминларини 
таснифлаш.
Тадқиқотнинг объекти сифатида инглиз, ўзбек ва рус тилларининг 
ғазначилик соҳасида қўлланиладиган лексема ва сўз бирикма шаклидаги 
терминлар танланган.