Abdulla qodiriy nomli jizzax davlat pedagogika instituti pedagogika ta

II-bobga xulosa

Oila – an’anaviy tarbiyaning asosiy instituti bo’lib hisoblanadi. Qiz bolalar yoshlik davrida oilada olgan ta’lim-tarbiyasini butun umri davomida saqlaydilar. Qiz bolalar hayotining asosiy qismini oilada o’tkazadi oilada qizlar tarbiyalanadilar. Ota-onaning qiz bolalar oldidagi burchi, o’zbekona ta’bir bilan aytganda, qiz bolaga yaxshi nom qo’yish, yaxshi muallim qo’liga topshirib, savodini chiqarish, ilmli, kasb-hunarli qilish, oilali va uyli-joyli qilishdan iboratdir. Shunday qilib, ijtimoiy tarbiyaning dastlabki o’chog’i oila bo’lib, ular dastlabki ijtimoiy ko’nikmalarni o’zining ta’sir kuchiga ko’ra hech qanday tarbiya vositasi oila bilan bellasha olmaydilar. Oilada qiz bola shaxsini asoslari tarkib toptiriladi, maktabga borganda esa qiz bola shaxs sifatida shakllangan bo’ladi.

Oila qiz bolalarga insoniy va salbiy ta’sir etish omili bo’lishi mumkin. Qiz bola shaxsiga ijobiy ta’sir etishimiz uchun asrlar osha o’tib kelayotgan xalqimiz tajribasidan foydalanish maqsadga muvofiqdir. Oila sharoitida qizlar bilan bo’ladigan muloqot jarayonida ibratli oilalar yoki katta hayotiy tajriba, ma’naviy axloqiy dunyoqarashga ega bo’lgan kishilar hayoti va faoliyatidan misollar keltirish qizlarda ulardan namuna, o’rnak olish tuyg’usini uyg’otadi, ularning ibratli jihatlarini o’zlashtirishga nisbatan rag’batni kuchaytiradi. Bu o’rinda o’smir yoki o’spirin qizlarda balog’at davrida ko’zga tashlanuvchi o’zlari uchun hayotiy idealni tanlashga nisbatan yuzaga kelgan istakka tayanib ish ko’rish oila sharoitida qizlarni mustaqil oilaviy hayotga tarbiyalashga yo’naltirilgan faoliyat samaradorligini ta’minlaydi. Oilada qiz bolalarni oilaviy hayotga tarbiyalashda ayniqsa, mahalla, qo’ni-qo’shnilarning o’rni kattadir.