Abdulla Qodiriy nomli Jizzax Davlat pedagogika instituti “Pedagogika-psixologiya” fakul’teti “Defektologiya” yo`nalishi iv-bosqich talabasi Xolmuxammedova Ozodaning

Ilmiy rahbar: o`qit. X. Muzaffarova

Abdulla Qodiriy nomli Jizzax Davlat pedagogika instituti “Pedagogika-psixologiya” fakul’teti “Defektologiya” yo`nalishi IV-bosqich talabasi Xolmuxammedova Ozodaning “Nutq kamchiliklarini bartaraf etishning qulay va samarali metodlari” nomli bitiruv malakaviy ishiga


T A Q R I Z

Mamlakatimizda fan-texnika yuksak sur’at bilan rivojlanib borayotgan bir paytda yosh avlod zimmasidagi mas’uliyat ham ortmoqda. Ularga berilishi lozim bo’lgan bilimning hajmi yil sayin oshmoqda. Respublikamizda ta’lim tizimini isloh etish bo’yicha olib borilayotgan ishlar bir qancha bo’lib, ular yosh avlodning jamiyat rivojiga hissa qo’shishga xizmat qiladi. Yosh avlodga kichik yoshidan boshlab to’g’ri ta’lim-tarbiya berish, bu yurtimizning gullab-yashnashiga olib keladi.

Bugungi kunda maktabgacha yoshdagi bolalarda ayrim nutq nuqsonlari kuzatilib, ularni bartaraf etish bo’yicha logopedik ishlar tashkil etilgan.

Maxsus ehtiyojli bolalar ta’lim tarbiyasi masalasi bugungi kunda eng dolzarb masalalar sirasiga aylanib bormokda. Maxsus ta’lim imkoniyati cheklangan bolalar uchun ta’lim tizimi sifatida rivojlangan.

Nutq kamchiliklarini bartaraf etishda qulay va samarali usullardan foydalanishning ahamiyati katta rol o’ynaydi. Bitiruv malakaviy ishining mavzusi hozirgi kunda dolzarb muammolardan biri bo`lib, talaba Xolmuxammedova Ozoda ana shu mavzuning dolzarbligini asoslab berish uchun ishning maqsad va vazifalarini belgilagan. Ishlab chiqilgan maqsad vazifalar mavzuni o`rganishga qaratilgan.

Tadqiqot ishi ikki bob, 6 ta paragraf, tajriba-sinov, xulosa va tavsiyalardan iborat bo`lib, reja mavzuni to`liq ochib berishga qaratilgandir.

Tadqiqotning birinchi bobi “Bolalarda uchraydigan nutq kamchiliklari va ularni bartaraf etish omillari” deb nomlanib bolalarda uchraydigan nutq kamchiliklari, ular kelib chiqish sabablari, nutq kamchiliklari turlari ularni tekshirish usullari, mashg’ulotlarda nutqni o’stirish texnologiyasi ochib berilgan va yoritilgan .

Tadqiqotning ikkinchi bobi “Nutq nuqsonlarini bartaraf etish texnologiyasi” deb nomlanib nutq kamchiliklarini bartaraf etishda logoped ish faoliyati, mashg’ulotlar va ularni to’g’ri tashkillashtirish, ularga qo’yiladigan talablar, ota – onalar bilan hamkorlik ishlari, bolalardagi nutqiy kamchiliklarni bartaraf etishda didaktik o’yinlar va ularga qo’yiladigan talablar, namunalar, xalq og’zaki ijodidan unumli foydalanish usullari nutqni faollashtirishda turli metodlardan foydalanishning ilmiy-amaliy ahamiyati keng yoritilgan.

Olib borilgan tajriba-sinov asosida bitiruv malakaviy ishi xulosalangan va tavsiyalar ishlab chiqilgan. Ushbu tavsiyalar hozirda ta’lim jarayoni bilan shug`ullanayotgan o`qituvchilar uchun muhim amaliy ahamiyatga egadir.