Abdulla avloniy pandlar, hikoyalar, kitobidan

Download 0,82 Mb.

1 ... 52 53 54 55 56 57 58 59 ... 89

www.kitob.uz saytida elektron kitoblar, audio ertaklar, darsliklar mavjud

RIYOZAT

Riyozat deb savob ishlarni qilub, gunoh ishlardan saqlanmoqni aytilur.

Riyozat adabning koni, ruhning darmo-nidur. Insonlarni to'g'ri yo'lga solub, egri

yo'ldan qaytarguvchi riyozatdur. Shul sababli riyozat qilg'uvchilar oqil va fozil

bo'lur. Alloh ham xalq qoshida maqbul va mo'tabardur. Yalqovlik, ko'p uxlamak,

yomon odamlar ila yurmak, vaqtni bekor o'tkarmak, aysh-u ishrat qilmak, ko'p

oshamak, foydasiz so'zlar so'zlamak, samovarlarda, ko'chalarda aziz umrni bo'sh

o'tkarmak kabi ishlarning hammasi riyozatga zid, umrning egovi, Xudoning

g'azabidur. Allohning buyrug'i, Rasulullohning sunnatlari, shariat qil degan

ishlarni(ng) birin-birin o'z vaqtida qilmak ibodat ham riyozatdur.

Riyozatni rioya qilgan kishilar hech vaqt shariat yo'lidan ayrilmas, Alloh

buyrug'idan chetga chiqmas va bu yo'l ila oxirat azobidan qutulur, rohat va rahmat

saroyiga kirar, riyozatni rioya qilmagan kishilar Alloh taoloning rizosini topolmas,

xor-zor bo'lub, oxiratda alamlik azobiga giriftor bo'lur.

Aflotun hakim: «Men riyozatdagi lazzatni hech narsada ko'rmadim, zeroki,

vujudimning saiomati, ruhimning saodatini riyozatda topdim. Shuning uchun

riyozat ayni saodatdur deyaram, chunki fikrning, tilning islohi badanning

riyozatiga bog'lidur», — demish.

Ibn Sino hakim: «Tan riyozatidan ko'proq ruh riyozati lozimdur. Mard kishi

o'zini riyozat va adab ila ko'rsatsun, inson ila hayvon orasidagi farq yolg'uz

maishatda emas, yaxshi axloq kasb qilmoqdadur», — demish.

Riyozat mevasidur misli bodom,

Yuzi qattig' ichidur ishta in'om.

Kishin maqsudini eltar riyozat,

Riyozatsiz ish o'lgay besaranjom.

Agar sabr-u riyozat cheksang, ey jon,

Pishub oldinga tushgay mevai xom.

Download 0,82 Mb.

Do'stlaringiz bilan baham:

1 ... 52 53 54 55 56 57 58 59 ... 89