Abdulla avloniy pandlar, hikoyalar, kitobidan

SA'Y VA G'AYRAT 

 

 

Sa'y va g'ayrat deb ustiga yuklangan ibodat va xizmatlarni harakat birla ado 

qilmakni aytilur. 

 

Shariat  ham  aql  yuzasidan  yalqovlik  qilub,  ishsiz,  bekor  yurmak  durust 

emasdur.  Zeroki  Qur'oni  karim  bizlami  sa'y  qilmoqga  amr  etmishdur.  Dangasalik 

har  vaqt  insonni  xor,  tama'  balosiga  giriftor  qilur.  Bir  ishga  mashg'ul  bo'lgan 

kishilar  vaqtni  o'tganini  bilmas,  yalqov  kishilar  uchun  bir  soat  vaqt  o'tkarmak 

qiyomatdan  qiyindur.  G'ayrat  vujudimizga  quvvat,  mas'ud  va  baxtiyor 

bo'lishimizga  sababdur.  Shuning  uchun  har  birimiz  sa'y  qilub,  o'z  kuchimiz  ila 

maishatimizga  kerak bo'lgan narsalarni topub, boshqalarga  muhtoj  bo'lmay  rohat-

rohat yashamoq lozimdur. Sihatimiz, saodatimiz, sarvatimiz, qanoatimiz, sabrimiz, 

fazilatimiz,  alhosil,  butun  hayotimiz  harakatimizga  bog'lidur.  Harakatsiz  kishilar 

har  narsadan  mahrum.  Doim  boshqalaming  yordamiga  muhtoj  bo'lub  xorlikda 

qolurlar.  Kishi  yosh  vaqtida  ilm-u  ma'rifat,  hunar-u  san'atga  bo'yin  qo'ymasa, 

taraddud  qilmasa,  albatta,  qora  ishchi  bo'lub  qolur.  Shariatga  ters,  qonunga  zid 

bo'lmagan  xizmatlami  qilmak  ayb  emasdur.  Agar  bunga  ham  bo'yin  qo'ymay,  bu 

ko'murchilik, bu temirchilik, manga munosib ish emas deb, dangasalik qilub, ishsiz 

yursa, zo'r ayb, g'ayratsizlikdur. «G'ayratlikdan imon qutulmas» degan masal bor. 

Bunga qaraganda dunyo va oxiratimiz uchun g'ayratni qo'ldan bermaslik lozimdur. 

G'ayrat  imona,  salobati  vijdona  dalolat  etar.  Hazrati  Umar  eshik  oldida  bekor 

o'tirgan bir kishini ko'rub: «G'ayratsiz kishilardan Xudo bezor, islomiyat g'ayrat ila 

rivoj topdi, sendek yalqov kishilardan islomiyat hazar qilur», — demishlar. 

 

 

 

Haq buyurdi: «Laysa lil-insoni illo mo sa'o»,  

 

 

G'ayrat ila o'tdi olamdan Muhammad Mustafo.  

 

 

Bizda ummatmiz, qilaylik sa'y ila xayr-u saxo,  

 

 

Qilsalar shoyad shafoat sohibi ro'zi jazo.