Abdulla avloniy pandlar, hikoyalar, kitobidan

SHIJOAT 

 

 

Shijoat  deb  botir  va  yurakli  bo'lmakni  aytilur.  Shaji'  kishi  hech  narsadan 

qo'rqmaydurgan  botir  va  yurakli  bo'lur.  Sa'y  va  g'ayratning  ziddi  dangasa  va 

yalqovlik  o'ldig'i  kabi  shijoatning  ziddi  qo'rqoqlikdur.  Qo'rqoq  savdogar  foyda 

www.kitob.uz saytida elektron kitoblar, audio ertaklar, darsliklar mavjud

---

qilmas.  Qo'rqoq  kishi  o'zini(ng)  soyasidan  hurkar,  hech  bir  ish  qilishga  yuragi 

bo'lmas.  Ko'p  kishilar  vahima  va  qo'rqoqlik  orqasidan  mollaridan,  jonlaridan, 

vatanlaridan  ayrilurlar.  Shuning  uchun  har  ishda  shijoatni  qoidan  bermaslik 

lozimdur.  Shijoat  insoniyatningsofoyinasi,  iffat,  g'ayrat,  istiqomat  kabi  yaxshi 

xulqlarning  nuroniysidur.  Shijoatning  haqiqati  qalbning  matonatindan,  ruhning 

salomatindan  iboratdir.  Hozirgi  zamonda  botirlik  -  boylikda,  qaysi  davlat  va 

millatning  davlati  bo'lsa,  shul  ustun  bo'lmakdadur.  Chunki  hukumat  uchun  xalq, 

xalq uchun hunar, hunar uchun ilm, ilm uchun oqcha lozimdur. 

 

Sarvatli  millatlar  milliyatlarini  yo'qotmas,  rohat  va  saodatda  yashar.  Bu 

kunda madaniy millatlar urushlarini tijorat va sanoatga aylandurdilar va bu soyada 

bir-birlariga  g'alaba  va  raqobat  qila  boshladilar.  Sehrgar  va  jodugarlik  ila  emas, 

tijorat  va  sanoatgarlik  ila  cholishkon  Yovrupo,  Afriqo  va  Osiyoni  o'ziga  asir  va 

musaxxar qilmakdadur. 

 

 

Bu zamonda fil ila jang aylamak erlik emas,  

 

 

Er o'shaldurkim tutar ilm-u hunarning yoqasin.  

 

 

Beshlab, o'nlab so'm topishsa, ilm ila ag'yorlar,  

 

 

Biz bo'lib hammol, olodurmiz tiyinlab choqasin.  

 

 

Boshqalar san'at, tijorat-la taraqqiy aylasa,  

 

 

Bizni el tortar ayog'din o'lgan otning toqasin.