Abdulla avloniy pandlar, hikoyalar, kitobidan

FATONAT 

 

 

Fatonat  aql  egasi  bo'luv  demakdir.  Aql  insonlarning  piri  komili,  murshidi 

yagonasidur.  Ruh  ishlovchi,  aql  boshlovchidur.  Inson  aqli  ila  din-u  e'tiqodini(ng) 

mahkam  qilur,  shariat  hukmlariga  bo'yunsunar.  Aqlsiz,  jinni  kishilar  bularga 

bo'yun  qo'ymas,  shariatdan  tashqari  ishlarin  ham  qilur.  Janobi  Haq  insonni 

hayvonlardan  so'z  va  aql  ila  ayirmishdur.  Hayvonlar  o'zlariga  bo'laklar  tarafidan 

keladurgon zulm va jabrlarni shox, tish, tumshuq, tirnoqlari ila qaytarurlar. Lekin 

inson janobi Haq tarafidan berilmish aql va idroki soyasida o'ziga keladurgon zarar 

va  zulmlardan  saqlanur.  Yer  yuzidagi  hayvonlarni  asir  qilub,  bo'yunidan  boylab, 

iplarini uchini qo'llariga bergan insonlarning aqlidur. 

 

Ilm insonlarning madori hayoti, rahbari najotidur. 

 

Ilm  o'rganmak,  olim  bo'lmak  uchun  maktabga  kirmak,  muallimdan  ta'lim 

olmak lozim, aqlsiz kishilar na maktabga kirar va na muallimni(ng) bilur. 

 

Rasuli  akram  nabiyyi  muhtaram  sallallohu  alayhi  vasallam  afandimiz:  «Ey 

insonlar!  Aqlingizga  tavoze'  qilingiz.  Siz  janobi  Haq  buyurgan  va  qaytargan 

narsalarni aqlingiz ila bilursiz», - demishlar. 

 

Hukamolardan  biri:  «Agar  aqlingni  qo'li  nafsingni  jilovini  ushlasa,  sani 

yomon  yo'llarga kirmoqdan saqlar. Har narsa  ko'p  bo'lsa, bahosi  arzon bo'lur, aql 

esa  ilm  va  tajriba  soyasida  qancha  ko'paysa,  shuncha  qimmatbaho  bo'lur»,  — 

demish. 

 

 

Aqldek zebo sifatni ko'rdi Haq, insonga eb,   

 

 

Oqil insonlar bilan berdi jahon — olamg'a zeb.  

 

 

Aql nuri birla to'ldi dunyoga ilm-u hunar,  

 

 

Aqlsiz inson qachon bilgusidir naf-u zarar.  

 

 

Aqlsizlar bilmagaylar din nadur, dunyo nadur?  

www.kitob.uz saytida elektron kitoblar, audio ertaklar, darsliklar mavjud

---

 

 

Bolmasa aqli bilurmi farz ila sunnat nadur?