Abdulla avloniy pandlar, hikoyalar, kitobidan

 

 

 

 

 

 

 

 

www.kitob.uz saytida elektron kitoblar, audio ertaklar, darsliklar mavjud

---

 

 

 

 

 

 

 

 

 

 

BADAN T ARBIYASI 

 

 

Badanning  salomat  va  quvvatli  bo'lmog'i  insonga  eng  kerakli  narsadur. 

Chunki  o'qumoq,  o'qutmoq,  o'rganmoq  va  o'rgatmoq  uchun  insonga  kuchlik, 

kasalsiz  jasad  lozimdur.  Sog'  badanga  ega  bo'lmagan  insonlar  amallarinda, 

ishlalrinda,  ibodatlarinda  kamchilik  qilurlar.  Maishatimizni  rohatda  bo'lmog'i 

jasadimizning  sog'lom  bo'lmog'iga  bog'Iidur.  Biz  sihatimizni  saqlamak  ila  amr 

o'linganmiz, shuning uchun vujudimizni hifzi sihatga zid bo'lgan yomon odatlar ila 

churutmakdan saqlanmakligimiz lozimdur. 

 

Badan tarbiyasining fikr  tarbiyasiga ham  yordami  bordur. Jism  ila  ruh ikisi 

bir choponning o'ng ila tersi kabidur. Agar jism tozalik ila ziynatlanmasa, yomon 

xulqlardan  saqlanmasa,  choponni  ustini  qo'yib  astarini  yuvub  ovora  bo'lmoq 

kabidurki,  har  vaqt  ustidagi  kiri  ichiga  uradur.  Fikr  tarbiyasi  uchun  mahkam  va 

sog'lom bir vujud kerakdur. Shuning uchun ota-onalar bolalari kasal bo'lgan zamon 

beparvolik qilmay, tezlik ila tabib yo do'xturga boqizmak kerak. 

 

Imom Shofe'i hazratlari: «Ilm iki xildur: biri badan ilmi, ikinchi din ilmi», - 

demishlar. Bunga qaraganda eng avval hifzi sihat qoidalarini bilmak, salomatlikga 

ters bo'lgan narsalardan saqlanmak ila bo'ladur. 

 

Ichkulik, ko'knor, nasha, afyun, taryok, chilim, nos, popirus kabi badanning 

salomatlikig'a  zararli,  og'ulik,  ba'zisi  harom,  ba'zisi  makruh,  ba'zisi  isrof  bo'lgan 

narsalardan  qochmak,  saqlanmak  shariat,  aql,  hikmat  yuzasidan  lozimdur.  Rasuli 

akram  nabiyyi  muhtaram  sallallohu  alayhi  vasallam  afandimiz:  «Har  narsa  ko'p 

ichganda  mast  qiladurgon  bo'lsa,  man  sizni  oning  ozginasindan  ham  nahyi 

qilaman», — demishlar. 

 

 

 

Salomatlikni saqlov lozim ishdur,  

 

 

Gunahdan saqla jisming yoz-u qishdur.  

 

 

Kasal bo'lsang, bo'lur dunyo qorong'u,  

 

 

Maishat talx o'lub hasrat chekishdur. 

 

 

 

Harom-u shubhadan pok et o'zingni,  

 

 

Bu dunyo aysh-u ishratdan kechishdur.  

 

 

Hama ishratchi hijronlikda ketdi,  

 

 

Bu olamdan bir ish ishlab ketishdur.