Abdulla avloniy pandlar, hikoyalar, kitobidan

YAXSHI  XULQLAR 

 

 

Yaxshi  xulq  -  bir  qismi  o'z  nafsimizga,  bir  qismini  bir-birimizga  qarshi 

ishlatmak  uchun  kerakli  bo'lgan  yaxshi  xulqlar:  fatonat,  diyonat,  islomiyat, 

nazofat,  g'ayrat,  riyozat,  qanoat,  shijoat,  ilm,  sabr,  hilm,  intizom,  miqyosi  nafs, 

vijdon,  vatanni  suymak,  haqqoniyat,  nazari  ibrat,  iffat,  hayo,  idrok  va  zako,  hifzi 

www.kitob.uz saytida elektron kitoblar, audio ertaklar, darsliklar mavjud

---

lison,  iqtisod,  viqor,  xavf  va  rajo,  itoat,  haqshunoslik,  xayrixohlik,  munsilik, 

sadoqat,  muhabbat  va  afvdur.  Mana  bu  yozdig'imiz  yaxshi  xulqlar  aql  va  shar'i 

sharifga muvofiq, Alloh taolo ham bandalar qoshida maqbul va mo'tabardur. Emdi 

bu  yaxshi  xulqlarni  qo'lga  olmak  uchun  ota-ona,  muallim  ustodlarimiz 

hazratlarining hikmatli nasihatlarini jon qulog'i birla tinglab, doim xotirda tutmak, 

axloqi  yaxshi  kishilar  birla  ulfat  bo'lmak,  axloqi  buzuq  yomon  kishilardan 

qochmak lozimdur. Bizim shariati islomiyada «axloqi hasana — yaxshi xulqlar ila 

xulqlanmak,  har  narsaga  ibrat  ko'zi  ila  boqub,  xulqini  tuzatmak  vojibdur.  Rasuli 

akram  nabiyyi  muhtaram  sallallohu  alayhi  vasallam:  «Islomiyatda  buzuqlik 

yo'qdur,  buzuqlikni  ustiga  oluv  ham  yo'qdur.  Islomiyatda  eng  mo'tabar  kishilar 

yaxshi xulq egalaridur», - demishlar. 

 

 

 

 

 

 

Bayt  

 

Yaxshi birla yursa, har kim maqsudi hosil bo'lur,  

 

Yursa nodonlar ila bir kun borub qotil bo'lur.  

 

Kattalar qilgan nasihatni kichiklar olmasa,  

 

Oqibat xulqi buzuq bir beadab johil bo'lur.