Abbatisa – ayollar katolik monastirlarining boshqaruvchilari. Abbatlik

Graal, muqaddas graal – oʻrta asrlarning afsonalarida aytilishicha, Iosif Arifamey tomonidan Iso paygʻambarning qatl paytida oqqan qoni toʻplanib, solingan muqaddas idish. G. saqlanadigan joy sifatida Sarras shahri yoki sirli Korbenik qasri koʻrsatiladi. Afsonalarda aytilishicha, G. oʻzida mangulik va donishmandlikni jo qilgan. G. idishi toʻgʻrisidagi afsonalar XII asrda paydo boʻlgan. Monsalvat togʻidagi oq marmardan qurilgan qasrda ritsarlar muqaddas idishni qoʻriqlashgan. G. idishi toʻgʻrisida koʻplab ilmiy va badiiy asarlar yaratilgan. Mas. 1210-yilda nemis shoiri Volfram fon Eshenbax tomonidan "Parsifal" poemasi yozilgan.
Graf (nem.) – ilk oʻrta asrlar davrida qirollar tomonidan ma’muriy birliklarni boshqarish uchun tayinlangan amaldorlar. IV asrda Rim imperiyasida paydo boʻlgan. VI asr 2-yarmida Franklar davlatida G. (gaugraf) oʻzining grafligida sud, ma’muriy va harbiy ishlarni amalga oshirganlar. VII asrdan G. unvoni avloddan avlodga oʻtadigan boʻldi. Keyingi davrlarda G.lar yirik feodallarning mustaqilligidan ajralishida muhim oʻrin egallagan. XV asr va undan keyingi davrlarda oliy unvon sifatida tushunilgan.
Grad – shahar, dastlabki vaqtlarda har bir qabilaning oʻz gradi boʻlgan.
Grandlar – Ispaniyada XIII asrdan boshlab dvoryanlarning oliy qatlami. Ular juda muhim davlat lavozimlarini egallashgan va armiyani boshqarish huquqiga ham ega boʻlishgan. Ayrim paytlarda, ularning manfaatlariga zid ish qilingan taqdirda monarxlarga qarshi urush olib borishlari mumkin edi. Kastiliya va Aragoniyaning birlashishi natijasida G.ning huquqlari keskin cheklab qoʻyiladi.
Grigorian xorali – katolik cherkovida qonuniylashtirilgan qoʻshiq. VI asr oxirlarida papa Grigoriy I tomonidan 200 ta ohangni eshitib, qayta ishlash orqali eng diniy deb tan olingan musiqalar ichidan tanlab olingan qoʻshiq. Ibodat qoʻshiqlari erkaklar xori yordamida lotin tilida bir xil ohangda ijro qilingan. Grigorian qoʻshiqlari ikki koʻrinishda boʻlib, ular psalmodiya (diniy oyatlar) va madhiya (she’riy matn yordamida aytilgan) deb nomlangan. Gimnlar messalar deb nomlanib, ular 5 ta asosiy qoʻshiqdan iborat boʻlgan. Mazkur tartib katolik cherkovida bugungi kunda ham saqlanib qolgan.