Abbatisa – ayollar katolik monastirlarining boshqaruvchilari. Abbatlik

Yomenlar – Angliyada erkin dehqonlar tabaqasi (XIII asr oxiri – XIV asr boshlari). Ular merosiy yer-mulk egalari boʻlib, shu yerlarda mustaqil xoʻjalik yuritgan. Koʻpincha frigolderlarni shu nom bilan atashgan. XV asrga kelib villanlik yerlarining kopigolderlarga aylanishi tufayli dehqonlarning koʻpchiligi oʻz ahvoliga koʻra frigolderlarga yaqinlashib qoldi. Natijada dehqonlarning yerga boʻlgan egalik huquqidan qat’iy nazar Yo. atamasi barcha dehqonlarga nisbatan qoʻllanila boshlangan.
Yorklar – Angliyada qirollik sulolasi. Plantagenetlarning kichik avlodi (Eduard IIIning oʻgʻli York gersogi Edmunddan tarqalgan): Eduard IV (1461-1483, tanaffuslar bilan 1470-yil oktyabr-1471-yil aprel); Eduard V (1483), Richard III (1483-1485).

~ Z ~

Zabralo – ritsar yuzini zarbalardan himoya qiluvchi bosh kiyimining (dubulgʻa) erkin tarzda koʻtarilib yopiluvchi panjarasimon yuzga tushirib qoʻyiladigan qismi. XI asrgacha ritsarlik dubulgʻasi Z.ga ega boʻlmagan.
Zadruga – janubiy slavyanlarda katta patriarxal oila.
Zakup – Qadimgi Rusda feodalga undan olingan “kupa” (qarz) uchun qaram dehqonlar toifasiga tushib qolgan ryadovichlarning ikki toifasidan biri. Ryadovich “kupa” olgandan keyin bu qarzni toʻlash muddati davomida oʻz mehnat qrollari bilan feodal yeriga joylashgan va shu tariqa Z.ga aylangan.
Zelenegor konfederatsiyasi – 1465-yil 28-noyabr kuni 16 nafar chex pan-katoliklarining qirol Yirji, uning chashniklarni qoʻllab-quvvatlab, Chexiyada kuchli markazlashgan davlat tuzishiga urinishlariga qarshi tuzilgan ittifoq. Z.K. Shternberglik pan Zdenek boshchilik qilgan. Isyonkor panlar Yirjiga qarshi Polsha qiroli Kazimir Yagellonni qoʻymoqchi boʻldi. Ammo Kasimir kutish siyosatini tutdi. 1467-yilda qoʻzgʻolonchi nemis yollanma otryadlar yordami bilan Yirjiga qarshi salib yurishini boshladilar, ammo chex aholisning keng qatlamlarining yordamiga tayangan Yirji ularni qattiq magʻlubiyatga uchratdi. 1468-yilda Chexiyaga bostirib kirgan Vengriya qiroli Matiash Xunyadi Z.K.ning tepasiga keldi. Yirji vafotidan keyin (1471-y) Matiash Xunyadi va Kazimir Yagellon oʻrtasida Chexiya taxti uchun kurash davom etdi.