Abbatisa – ayollar katolik monastirlarining boshqaruvchilari. Abbatlik

Xiliastlar – guschilar harakatida radikal yoʻnalish vakillari.
Xofmeyster – Gofmeysterga qarang.
Xolop – Kiyev Rusi, kanyazzliklar va Rus davlatida ozod boʻlmagan aholi qatlami, xizmatkor. Avval boshda jamoa ichida qulga aylantirilganlar.
Xors – qadimda sharqiy slavyan qabilalarida to xristianlik dini qabul qilingunga qadar quyosh xudosi. Oy bilan ham bogʻlanadi. Unga sigʻinish Dajbog va Yaril bilan bir vaqtda boshlangan. X. Cernobog va yovvoyi hayvonlardan himoyalanishda umidni ifoda etgan.
Xorugvi – oʻrta asrlardagi Rossiya, Polsha va Litva Buyuk Kanyazligining ritsar armiyasidagi tashkiliy-taktik boʻlinma, taxminan rotaga mos keladi. Shuningdek, xorugv ­- harbiy harakatlar paytida foydalanuvchi bayroq. Bunday bayroqida Iso Masih yoki uning onasi tasviri, avliyolar, gerb kabilar tasvirlangan.
Xramovniklar – Tampliyerlarga qarang.
Xrisovul (yunon.oltin muhr) – Vizantiya imperatorlarining yorliqlaridan bir tipi. Qadimgi yorliqlardan oʻzining dabdabali rasmiylashtirilishi bilan farq qilgan. Imperatorning shaxsan oʻz qoʻli bilan toʻq qizil rangli siyoh bilan bir necha soʻz yozgan va imzo qoʻyib, sanani bitgan. X. ipak bogʻichli muhr (ba’zan oltin) bilan muhrlangan. X. shaklida qonunlar, davlatning boshqa davlatlar bilan shartnomalari, muhim in’om yorliqlari bitilgan. X. Faqatgina nushalarda saqlangan. Keyinroq serb va bolgar devonxonalarida X. shaklidan foydalangan.
Xronika (yunon.vaqt) – tarixiy vaqealarning yillar boʻyicha ketma-ket tartibdagi qaydlari, yilnoma. Ruslarda letopis nomi bilan keladi.
Xunnlar – Ural boʻylarida yashagan koʻchmanchi qabilalar. IV asr 70-yillarida ularning gʻarbga koʻchishi natijasida “Xalqlarning buyuk koʻchishi’ boshlanib ketadi. 375-yilda X. gotlarning qabilaviy ittifoqini magʻlub qilishadi. 394-395-yillarda Pannoniya pasttekisligiga joylashadi. Ularning davlat tuzishlari va qudrat choʻqqisiga chiqishi Attila (434-453) davriga toʻgʻri keladi. 455-yilda ular magʻlub boʻlishib, Qora dengiz boʻylariga koʻchib ketishadi. Tez orada ular tarix sahnasidan ketishgan.