Abbatisa – ayollar katolik monastirlarining boshqaruvchilari. Abbatlik

Qirgʻoq (sohil) huquqi (lot.jus naufragi) – oʻrta asrlarda Yevropa mamlakatlarining qirgʻoqboʻyi aholisi va davlatlari orasida keng tarqalgan huquq boʻlib, unga koʻra ular qirgʻogʻida halokatga uchragan kemalar va shu qirgʻoqqa kelib qolgan buyumlarni oʻz mulkiga aylantirishgan. Oʻrta asrlar Germaniyasida bu huquq Strantdrecht deb atalib, dengiz bilan birga daryo sohillari qirgʻoqlariga tashlangan yoki kelib qolgan buyumlarga ham taaluqli boʻlgan.
“Qora ajal” – 1347-1353-yillarda Osiyodan kirib kelgan va koʻplab yevropaliklarni qirib yuborgan oʻlatning zamondoshlari tomonidan nomlanishi. O’lat 25 mln.ga yaqin inson (Yevropaning deyarli yarim aholisi) hayotiga zomin bo’lgan. Fransiya va Angliyada ayanchli oqibatlar keltirib chiqargan. Epidemiya ishchi kuchini qisqartirib yubordi. Buning natijasida koʻplab davlatlarda hukumat maxsus aktlar chiqarishga majbur boʻldi. Bundan maqsad mehnat haqini oʻlat tarqalgungacha boʻlgan holda ushlab turish edi.
“Qora shaxzoda” – Eduard, Uels shaxzodasi (1330-1376), Angliya qiroli Eduard III ning katta oʻgʻli. Jasur va mohir sarkarda boʻlgan. Yuz yillik urush davrida eng yaxshi harbiy boshliqlardan biri boʻlgan. Kresi va Puate janglarida inglizlar gʻalabasini ta’minlashda asosiy rolni oʻynagan. “Q.Sh.” 1355-yilda Akvitaniyani egallagan. XIV asr 50-yillarida qirol Eduard III ning Bordodagi vakili boʻlgan. 1356-yil 19-sentabrda Puatye jangida “Q.Sh.” fransuz qiroli qushinini yengish bilan birga, qirolni oʻzini ham asirga oladi. 1362-1372-yillarda Akvitaniyani boshqardi va Akvitaniya shaxzodasi degan nom oldi.
Quddus assizlari – salibchilarning Quddus qirolligi sudebnigi.
Qurdoba (Kardova) amirligi – 756-yilda ummaviy shahzodasi Abdurahmon I (ad-Doxil) Abbosiylar davrida amalda arab xalifaligidan mustaqil boʻlib olgan al-Andalusdagi Fixriylar xonadonidan boʻlgan Yusuf al-Fixriy hokimiyatini agʻdarib, Abbosiylardan mustaqil boʻlgan Q.A.ga asos soladi. 929-yilda uning nevarasi boʻlgan Abdurahmon III Q.A. oʻzining qudrat choʻqqisiga koʻtarilib, Bogʻdoddagi Abbosiylar va Tunisdagi Fotimiylarga qarshi turadigan darajaga koʻtarilib, Q. Xalifalikka aylantirildi. 1492-yilda qulaydi.