Abbatisa – ayollar katolik monastirlarining boshqaruvchilari. Abbatlik

Presviter (yunon.oqsoqol, keksa, moʻysafid) – 1) pravoslav va katolik cherkovidagi ruhoniylar; 2) kalvinchilar jamoasining saylab qoʻyiladigan boshligʻi.
Presviterianlar – moʻtadil puritanlar. Umummilliy cherkov sinodiga boʻysinuvchi kalvinchilik cherkovini Angliyada oʻrnatish tarafdorlari. Keyinchalik ular ham siyosiy oqimga aylandi.
Prevo (lot.boshliq, nozir, nazoratchi) – 1) Dastlab Fransiyada senorning butun senoriya yoki uning alohida qismidagi boshqaruvchisi, hukmdorlari. XI asrdan boshlab (qirollik domenining prevotliklarga boʻlinishidan soʻng) ular fransuz qirolining amaldorlariga aylangan. P.lar prevotliklar doirasida ma’muriy, xazinaga oid, sud-surishtiruv, harbiy vakolatlarni bajargan. XIII asrda janubda balyalarga va shimolda seneshallarga boʻysungan. XV asrdan boshlab P.lar birinchi instansiyadagi qirollik sudyasi funksiyasini bajarganlar; 2) Parijda XIII-XVIII asrlarda mahalliy oʻz-oʻzini boshqarish tashkilotlarining saylab qoʻyiladigan boshligʻi.
Primas – cherkov boshligʻi. Oʻrta asrlarda Ispaniyada bu vazifani Toledo, Angliyada Kanterberi arxiyepiskopligi bajargan.
Primat – ustunlik. Rim yepiskopligining boshqa xristian cherkovlari yepiskopligi bilan taqqoslaganda ahamiyatli va obroʻli ekanlgini anglatuvchi katolik doktrinasi. Ilk oʻrta asrlarning ogʻir sharoitida Rim papalari gʻarbiy xristianlikda oʻz ustunligini, yani P. oʻrnatishga muvaffaq boʻlgan. Katolik dinida diniy hokimiyatning dunyoviy hokimiyatdan ustunligiga ham nisbatan qoʻllaniladi.
Prinseps – antik mualliflar asarlarida germanlardagi qabila boshligʻi titullaridan biri, yoʻlboshchi.
Prior (lot.birinchi) – 1) kichikroq katolik monastirlarining boshlgʻi; 2) diniy-risarlik ordenlarida ahamiyati jihatidan magistrdan keyingi turuvchi shaxs; 3) Italiya va Gʻarbiy Yevropaning ayrim mamlakatlarida savdogarlar gildiyasi yoki hunarmandchilik sexining saylab qoʻyiladigan boshligʻi.
Priorat – oʻrta asrlarda Italiyaning ayrim shahar kommunalarida (Florensiya, Aresso va boshqalar) hokimiyat popolanlar qoʻlida boʻlgan shahar boshqaruvi organi. Senoriya deb ham atalgan. Florensiyada prioratlar sexlar vakillaridan – priorlardan (3 dan 21 nafargacha) iborat boʻlgan, 1289-yildan unga Adolat gonfalonyeri boshchilik qilgan. Medichilar istibdodi oʻrnatilgach, XV asrga kelib oʻzining ahamiyatini yoʻqotgan.